【台北電影獎】車保羅影帝夢碎未感失望 讚台灣同業傲氣滿身

更新時間 (HKT): 2019.07.14 16:50
(台灣《蘋果新聞網》圖片)

59歲車保羅憑香港鮮浪潮短片《老人與狗》角逐台北電影獎「最佳男主角」,今次是車保羅入行38年來首次獲提名影帝獎項,但昨晚頒獎禮上,車保羅最終敗給《老大人》的71歲台灣老演員小戽斗,而《老人與狗》角逐的最佳短片,亦敗給《去年火車經過的時候》。

《蘋果》今日聯絡到車保羅,問他失落影帝可感失望時,他說:「呢次其實唔係失望嘅,由頭到尾都抱住一個平常心去,幾十年冇嚟,睇吓台灣如何囉。借一個機會,難得台灣媒體因為你係未來影帝,各樣都好尊重,我發現嗰邊啲artist全部有種傲氣喺度,同我哋唔同,好自然散發佢哋好自豪我係一個artist,感覺好好,個個都好熱情。住得好唔好呀,食得好唔好呀,我話梗係好啦,呢度嘅嘢我哋香港都食唔到,雖然來去匆匆,但都OK嘅,喺人生裏面會行到另一樣嘢,返到香港咪面對社群,為人群服務。」車保羅現於元朗街市擔任「街市監督」,他早前受訪時曾透露,同事非常友善包容,如有拍攝等工作,可以請假開工。

採訪:魯吉

娛聞樂陪你走遍全球追星,即Like「娛果」FB 專頁!
BannerBanner