【全場嘩然】鄭秀文身材有幾正 聽聽葉蒨文點講

更新時間 (HKT): 2019.07.15 13:20

鄭秀文(Sammi)「#FOLLOWMi 鄭秀文世界巡迴演唱會香港站2019」昨晚第三場紅館演出,獲鍾楚紅與胞妹、王菀之、蘇永康、張衞健、梁漢文及周勵淇捧場。

葉蒨文(莎莉)擔任表演嘉賓,可能升降台操作員太渴望盡快讓莎莉跟觀眾見面,所以未待Sammi介紹,已從台底升上來。Sammi隨即補充說:「今次演唱會請嘅都係女嘉賓,多數都係細過我,今晚終於可以請嚟一位前輩,我都可以叫聲佢阿姐。有請莎莉姐。」

兩人同台即互笠高帽,莎莉說:「你身材咁靚,特別係你對腳、同條腰、同埋個胸(全場嘩然),你腰又細過我,年紀又細過我,腰細但名氣大,介意話畀我知你條腰幾大?你要食多啲,以前同你排舞時,我食大大個包,你食細細條菜。」Sammi笑回:「我而家食多咗,因為有玩健身。」莎莉續說:「我見到你咁健康,我都好開心。」

她們合唱97年合作冠軍歌《談情說愛》後,莎莉在Sammi退台去更衣時,笑指本來想唱自己的歌曲,但又怕觀眾未必認識:「嗰日做阿Lam (林子祥) 個騷,聽到佢唱一首歌,好『心動』到我,咁希望今日我唱都『心動』到你啦!」然後,她唱出台灣天后蘇芮的名曲《憑著愛》。

娛聞樂陪你走遍全球追星,即Like「娛果」FB 專頁!
BannerBanner