【扮大牌羅生門】龔嘉欣私人fb撰文 暗寸朱晨麗拍劇享特權

更新時間 (HKT): 2019.07.16 20:34

龔嘉欣上月因日夜趕拍大台新劇《大醬園》欠缺休息,結果耳水不平衡要入院,但為免影響劇集進度,龔嘉欣一出院便繼續開工。

然而,近日龔嘉欣於私人facebook留言說:「個個都辛苦,唔好同我邊個唔舒服,邊個踩得好甘,叫我幫幫手,我已經幫咗好多次,捱義氣咗幾次,咁我唔舒服,唔夠休息都一樣咁返工,我呢十幾年都係咁捱,怕辛苦就唔好做演員。」暗示有演員經常請病假而要她捱義氣連續開工。

雖然龔嘉欣沒多久便將帖子刪走,但就有傳媒將其帖子內容截圖,並指龔嘉欣身為《大醬園》第二女主角,不滿女主角朱晨麗因甩手骹及中暑而請病假影響進度,所以開post寸朱晨麗「怕辛苦就唔好做演員」;報道又指龔嘉欣經常扮大牌,對不滿通告安排便向工作人員發爛渣,而她為不想每場戲之間等候太久,所以經常向劇組要求改通告,先跳拍她的戲份來方便自己,但此舉就連累其他演員變天地更沒時間休息,其中龔慈恩也是受害人。

不過,《蘋果》卻聽到另一個版本,朱晨麗才是享有特權,經常要其他演員遷就她開工時間。例如朱晨麗晚上開工至深夜,總會事先講明翌日開工一定遲到,又或是要求導演或PA將翌日自己戲份押後,表明自己要睡晏一點;又有次全部演員拍攝大場口,當所有演員到齊,獨是朱晨麗一人遲到兩小時,連累全組人等候。另外,試過朱晨麗拍完第一場後,本來要到第三場才輪到她再拍,但朱晨麗向PA表示自己身體不適,要求導演先跳拍第三場,押後才拍龔嘉欣第二場場口,但龔嘉欣指自己同樣身體不適而一口拒絕,最後導演維持不變,照原來通告次序拍攝,朱晨麗即時黑面發脾氣。

又有一次,龔嘉欣耳水不平衡入院,出院當晚碰上新劇大場口,所以龔嘉欣一出院即回廠繼續開工。豈料有份拍攝的龔慈恩在化妝間化妝準備入廠期間,朱晨麗突然打電話通知PA她病倒不能開工,連累全劇人即時調動通告,由於晚上7時開廠,朱晨麗開工前半小時才打電話通知,令不少演員極度不滿。

對於被指耍大牌,及她於facebook所指是誰,會否是朱晨麗?龔嘉欣接受傳媒訪問時回應:「唔想事件發酵落去,呢10幾年係自己捱出嚟,工作態度從冇變,認識我嘅人都知我係一個點樣嘅人,總之清者自清。」

至於劇中跟龔嘉欣有不少對手戲的龔慈恩,亦力撐龔嘉欣,指她絕對沒有扮大牌連累自己及其他演員,龔慈恩說:「完全冇啲咁嘅事,拍呢部劇大家都好攰好辛苦,大家都互相照顧,最辛苦係每一場戲都咁多人。」問是否朱晨麗經常要改他人通告來遷就自己?龔慈恩說:「冇一個演員有任何問題,後生一輩都識得尊重前輩,好似上車落車都幫我攞嘢,我覺得好窩心。」

朱晨麗今日回覆傳媒,談到疑被龔嘉欣暗寸,她說:「來說是非者,必是是非人。我哋拍呢套劇嘅人個個都好辛苦,個個都有唔舒服嘅時候,不過大家都好體諒,合作得好開心,所以我唔知佢講緊邊個喎!」

娛聞樂陪你走遍全球追星,即Like「娛果」FB 專頁!
BannerBanner