【好友撐出書】Jase@C AllStar唔考慮影寫真 預告年尾單飛派歌

更新時間 (HKT): 2019.07.17 18:04

C AllStar成員Jase今日到灣仔書展宣傳新書《煙霧瀰漫》,獲組合BOP(前稱天堂鳥)成員Tyrese及組合BINGO的兩位成員現身支持。

Jase表示這是他第4本書:「上年一口氣出咗3本,明白到出一本書真係唔係咁易,呢本愛情小說都花咗1年時間去做,自己仲做埋設計方面嘅嘢。」問到是否要閉關?他說:「呢2年都好似退到幕後,但今年年尾都會出番自己嘅音樂。」至於是以C AllStar名義還是單飛?他說:「唔會係C AllStar,本身上年係想出呢首歌,但好多嘢都未落實,所以就等到今年年尾,其實我都唔想靜咁耐,同埋寫嘢都係自己鍾意,希望出年都可繼續寫。」

Jase指出書時間比做音樂的時間更快:「所有嘢都係親力親為去做,但音樂就要同好多單位去開會。」提到出愛情小說是否想挑戰鄺俊宇,Jase說:「我唔敢啦,大家睇吓呢本啱唔啱睇先,其實我都寫咗2個故仔,今年就出住一本先,希望睇吓下年出唔出到。」至於會否跟上年一樣推出飲食書,他就表示這種題材很辛苦:「真係食到你懵,上次都用咗3、4年時間。」問到會否挑戰出寫真?他反問說:「我真係可以涉獵呢個題材?我應該都唔會考慮。」

娛聞樂陪你走遍全球追星,即Like「娛果」FB 專頁!
BannerBanner