【分工合作】黃浩然全家撐太太出書 預黎耀祥買2000本

更新時間 (HKT): 2019.07.20 16:33

黃浩然太太莫家嘉,今日到灣仔書展出席新書見面會,黃浩然以及黎耀祥及冼灝英等,亦有到場支持。

黃浩然表示很多朋友不在港,但他們亦有買書支持,他指太太因籌備出書致大感冒,問到是否因出書緊張所致?他說:「都唔係好緊張,但佢最近要返學學整法國菜。」他指新書首批印了2000本,問到會否叫黎耀祥買多幾本?他笑說:「下一批2000本我就諗住入佢數,本身都訂咗200本送畀啲朋友,但佢哋話自己買就得,好開心好多人捧場,有啲朋友仲要出錢出力,今日帶埋啲小朋友嚟支持吓。」

黃浩然又透露細妹亦會出書,而自己也一樣會捧場,問他有沒有出書打算?他說:「我冇資格,只能夠輔助太太,一家人完成一件事係好心,太太負責整書,自己負責湊小朋友,囝囝就負責乖啲。」黃太則表示因為第一次出書,不清楚程序上的事情,故用了4個多月來處理:「好彩有編輯幫手,高峯期曾試過一星期連續5日一邊整嘢食一邊影相,每日要煮10至12個餸,所以叫好多朋友去食,大家都唔想浪費食物。」而黃太就指今次出書的目的,主要是想幫助那些平常要工作的人,收工可以以最快最簡單的方法,去煮自己喜愛的菜式。

娛聞樂陪你走遍全球追星,即Like「娛果」FB 專頁!
BannerBanner