【與比較無關】張新悅教小朋友如何快樂 葉翠翠出書唔係為賺錢

更新時間 (HKT): 2019.07.20 19:13
(攝影:仇志德)

張新悅今日到書展出席一個關於如何讓小朋友快樂的分享會,她表示自己經常在家引導小朋友,教他們不要跟別人比較,易滿足就會容易開心:「唔好依靠物質上嘅需要,小朋友喺唔同年齡階段亦有唔同快樂指標,而家1歲嘅BB,見到我笑、拍吓掌就已經好開心,但10歲嗰個有時會有比較,要教佢快樂同物質、比較無關,例如有時帶佢哋去活動,等佢哋感受簡單嘅快樂,帶佢哋去網球活動度玩,等佢打吓,個滿足感可能嚟自打到個波。」

張新悅又指女兒有時自己談及自己的成績不及其他同學:「就要令佢唔同人比較,呢啲要慢慢灌輸,如果要小朋友快樂,首先大人都要快樂。」問到張新悅是否也是一個易滿足的人?她說:「我思想比較正面,但有時會對自己要求高,都會提醒自己已經係4個小朋友嘅媽媽,有時都會自己放鬆啲,唔好要求自己做咁多,好多嘢我都學習緊。」

另外,葉翠翠今年也推出了一本新書,講述小朋友與寵物間的相處,並呼籲大家不要棄養寵物。由於今日落雨關係,故翠翠沒有帶同囝囝一起到場,她表示家中的貓已18歲,是一位大公主,不過因小朋友見到貓好熱情,故大貓見到他們亦很頭痛:「佢哋會掹尾,當佢哋係小魔怪咁,因為小朋友鍾意同貓貓玩,所以學講嘢第一句係叫『貓貓』先,唔係爸爸或媽咪,反而隻貓就唔係咁錫2個小朋友,因為佢只係見過大人,冇見過小朋友。」問她有沒有教囝囝愛惜動物?她說:「有,叫佢哋講嘢要細細聲,溫柔啲。」

提到新書銷情,翠翠就表示:「都OK嘅,本書係畀懷孕或準備懷孕嘅婦女睇,fans群一知道就話要訂書,好勇躍,同埋各大書局都好支持,攞咗好多書,今時今日出書唔係為賺錢,只為支持不棄養動物。」而她又指在書中的序,是以家中的大貓角度寫出來,希望大家不要棄養。至於老公有沒有買書支持,翠翠就笑說:「冇,佢又唔興做呢啲嘢。」

娛聞樂陪你走遍全球追星,即Like「娛果」FB 專頁!
BannerBanner