【書展2019】Jase@C AllStar吸納女Fans 夭心夭肺戀愛故事無花假

更新時間 (HKT): 2019.07.21 16:59

樂隊C AllStar成員Jase(何建曦)今日到灣仔會展為新書《煙霧瀰漫》舉行簽名會,吸引到大量女fans支持。好友On仔(陳健安)現身撐場,並表示:「今日先見到本書,專登嚟支持,買書同埋攞簽名。」

Jase透露書本由寫作、排版、封面都由自己挑選、設計,書中描述第三者故事,他說:「內容感人肺腑,夭心夭肺,好寫實。」對於書中是否自己親身經歷第三者故事?Jase說:「鍾意講朋友故事,亦有自己故事,費事講假,讀者好失望。」新書推出短短幾天,今日進行簽書會,吸納不少粉絲意見,Jase說:「有粉絲嚟到話前日買咗睇到凌晨3點幾。亦有媽咪級粉絲帶咗個大約十歲囡囡嚟,我都諗應唔應該畀阿女睇,有啲家長主張中學生不得談戀愛,但位媽咪話已經睇咗。」

Jase之後會舉行導賞音樂會,邀請On仔做嘉賓之一,呼籲入場觀眾先閱讀書籍,才知道箇中心路歷程,會更投入音樂會。On仔之前推出過一首歌《后會無期》,是第三者直接自白故事,會在音樂會裏面獻唱,配合主題。

至於書本銷量方面,Jase說:「我都有八吓,知道比上年出書成績好。」吸納女fans居多,他笑指:「咁我係男性,男女老幼都有。」

娛聞樂陪你走遍全球追星,即Like「娛果」FB 專頁!
BannerBanner