【無警時分】李國祥居元朗聲稱反暴力 質疑黑衫人入區撩交打

更新時間 (HKT): 2019.07.22 17:24
攝影:王連連

李彩華、李國祥和倪秉郎將演出佛教舞台劇,他們今日在天后出席記者會。昨晚有大批白衣人視法紀如無物,在元朗大街見人就打,還打到上西鐵站。李國祥自爆居住元朗,反對暴力:「睇到啲消息心好唔舒服,打人係唔啱,我睇晒啲片,如果冇人喺地鐵撩人點會咁?打人係唔啱,但點解入元朗撩動人?撩動人都唔啱。」

記者指現場有很多回家的巿民,李國祥又謂:「嗰啲黑衫好叻撩動人,未開始打前喺入面又噴水。」但提到眾人是出於防衛,他即改口指沒看過所有片段,感覺香港很亂,但不能擔心太多:「驚唔到咁多,但唔好入元朗搞啦!去支持佢哋嘅店舖貼紙啦。希望大家停一停諗吓,年輕人覺得政府幫唔到,變得希望不大,但據我知大陸有政策幫嘅。」李彩華稱常在大陸工作,沒有特別留意:「啱啱喺噚日返來香港,冇特別留意。」

本身是基督徒的李彩華,對於接佛教舞台劇前內心掙扎,跟牧師研究後才接拍。她在劇中演兩個角色,扮演人和鹿,還要穿貼身衫。結婚不久的她指丈夫批准性感演出,但不能接拍接吻戲:「動作愛情片一定唔可以拍,佢之前上網搵晒我拍接吻嘅戲睇晒,但結婚後冇人搵我拍呢啲戲,可能老公喺後面做手腳,平時佢都問我乜角色,今次問埋乜公司。」

李國祥在劇中與李彩華本是一對,後來因家人反對而分開,但對舊愛仍黐纏不休,他說:「現實生活中我唔會纏人又唔會求人,情感啱就會夾得埋,有人追我會更加唔鍾意。」

採訪:王連連

娛聞樂陪你走遍全球追星,即Like「娛果」FB 專頁!
BannerBanner