【無警時分】鄧健泓認為要顧他人感受:警民要互相尊重

更新時間 (HKT): 2019.07.22 18:42
攝影:黃曉妍

有線前主播嚴崇天今日在書展為自己撰寫的書籍宣傳,好友鄧健泓和趙慧珊(AKA)特登到場支持,鄧健泓表示有幫他的書寫序,他說:「我都想出書,講吓自己喺娛樂圈嘅風風雨雨,因為發生喺我身上嘅事都幾有趣。」

鄧健泓透露太太石詠莉將於下月初出新碟,最近為宣傳而積極減肥,可惜差點出事,他說:「佢做完運動去浸熱水浴,浸咗20分鐘,佢突然話『老公,我唔掂呀!』我入去抱佢上水,佢已經冇知覺,係休克狀態,我幫佢抹乾身着衫,佢仲休克緊,手同腳發黑,手又抽筋,我即刻報警,救護員15分鐘內到,佢哋嚟到問我哋有冇鬧交,原來係過度換氣綜合症(有冇入院?)冇,救護員好好,等太太冇事先離開。」

此外,對於元朗有白衣人周圍追打市民,鄧健泓說:「由6月開始留意到而家,其他嘢我唔應該去講,但係我好掛住198幾年一個銀行廣告,廣告係拍當時香港情況,係講緊包容、和平共處,我覺得大家而家再睇多次,香港就唔會去到而家咁,好好回味人情世故,人與人之間要尊重。」提及警署落閘,會否擔心自身安全沒有保障?他表示:「我未必可以去評論每邊嘅做法,我覺得大家應該要顧及下其他人嘅感受,警察又好,市民又好,要互相尊重,其他就真係唔知講咩好。」

娛聞樂陪你走遍全球追星,即Like「娛果」FB 專頁!
BannerBanner