【無警時分】Aka睇新聞睇到心痛 許靖韻唔敢睇直播

更新時間 (HKT): 2019.07.22 15:55
(攝影:張明)

趙慧珊(Aka)今日去到商台宣傳新歌《生來起舞》, Aka指新歌是講述她4、5歲開始學芭蕾舞直到現在,Aka說:「學習芭蕾舞是個好嘅回憶,亦係一個鼓勵,身邊好多人陪我一齊成長一齊學跳舞,以前同我一齊學跳舞芭蕾舞嘅同學好多已經做咗校長,同埋一啲好代表性嘅dancer,自己想做番個紀念。」

Aka指香港氣氛不開心,需要正能量,踢走悲傷,Aka說:「因為今次要跳芭蕾舞,請番一啲老師即場睇住我同埋教我,自己有練習番,着番跳舞鞋撐到腳損流血,爹哋媽咪都問我可唔可以跳得番以前讀書時候嘅水準,佢哋都質疑我,好在我寶刀未老,今次邀請咗由細同我一齊學跳舞的同學幫我客串。」

對於昨晚元朗暴力事件,Aka說:「雖然噚晚先至返嚟香港,但係有留意新聞,自己都見到都好心痛,希望香港唔好再有人受傷,希望大家和平。」

許靖韻(Angela)今日也去到商台,宣傳下月於旺角麥花臣場館舉行的《My 25 Live》演唱會。 Angela表示演唱會是紀念她入行多年,經歷特別多,希望在演唱會中分享,Angela說:「今次會唱很多自己歌曲,現正努力練習跳舞,因為只有唯一一首快歌,一定會跳舞,公司希望我跳多幾首。」

Angele指自己不擅長跳舞,比唱歌還要難,但會努力練習,在演唱會中又會自彈自唱,今次會請3、4位嘉賓合唱。為了服裝造型,Angela表示正努力減肥,希望再減10磅,到時以更弗身形出現,希望可以著着更靚更性感服裝站台。

對於昨晚元朗暴力事件,許靖韻回應:「感到好唔開心,自己有睇直播,見到就想喊,見到一啲無辜市民受傷,希望佢哋快啲好返。睇片見到有人受傷,好唔舒服,噚晚睇到直播有啲都唔夠膽睇,見到大肚婆都受傷好心痛。」

採訪、攝影:張明

娛聞樂陪你走遍全球追星,即Like「娛果」FB 專頁!
BannerBanner