【被封逃犯剋星】郭富城唔識回應:睇咗新聞自己都擘大個口

更新時間 (HKT): 2019.07.25 19:50
攝影:曾小嘉

郭富城(Aaron)今日去到澳門,出席TheArsenale首個亞洲珍品展覽「奢迷空間」,整個展覽超過40件獨一無二展品,包括超級跑車、特別訂製私人飛機等超級玩具。全場焦點,展出一架私人定制飛機,由著名意大利賽車與跑車生產商瑪莎拉蒂操刀設計,郭富城於私人定制飛機上亮相,又試坐曾用於拍攝電影《MIB》的防彈裝甲車。Aaron於展覽中參觀一架引擎只有拳頭般大的遊艇,Aaron說:「之前考咗船牌,有自己嘅船,工作壓力大,開着船一切煩惱都忘記。」

Aaron參觀過展覽,笑言希望買一輛私人飛機放在天台,他說:「了解過架飛機價錢不是天文數字,擁有飛機嘅人都能夠負擔,自己細個希望成為飛機師,喺電影中未試過做飛機師,剛才坐上飛機都緊張到心跳。」Aaron收藏不少名貴跑車,他說是通過自己努力買來獎勵自己,他說:「細個會儲汽水蓋、膠手錶,自己做咗第一次26場演唱會後,用咗200幾萬買咗一架跑車獎勵自己,架車仍保存著作為自己嘅紀念,希望有一日可以做慈善展覽,等我儲多啲車,喺適當嘅時候去做。」Aaron透露,現在有為女兒儲首飾及吊咀等。

Aaron早前在湛江舉行巡迴演唱會,公安在場拘捕通緝犯,Aaron被封為逃犯剋星,他回應:「睇咗新聞好詫異,自己都擘大個口,唔識回應。」

採訪、攝影:曾小嘉

娛聞樂陪你走遍全球追星,即Like「娛果」FB 專頁!
BannerBanner