【新娘不是我】舊愛April驚爆Steven從未斬纜 女網民揭負心漢處處留情

更新時間 (HKT): 2019.07.26 00:30

BOYZ成員張致恒(Steven)昨日在IG宣佈與未婚妻雯雯將踏入人生另一階段,晚上再補上一張一家三口百日宴合照,Steven感謝未婚妻為他誕下男嬰「天寶」。

曾與Steven拍拖3年的演員梁皓恩(April),昨晚在Steven上載一家三口新相前,亦在IG極度傷心開post,又留tag說「#我怕過唔到今晚」。其後April更在Steven的闔家歡相上留言:「我呢?你會唔會覺得你有嘢要同我講?你想逃避到幾時,一個電話都唔面對?你所有衫褲鞋襪同所有嘢都仲喺我度,你嗰啲愛我嘅message呢?先幾日仲有喎?你仲爭我好多錢,right?你唔打畀我嘅話,醫院見。」

Steven在入行後,經常捲入感情新聞,先後與鍾舒漫、莊端兒及April拍拖,而Steven亦曾承認與孫旗有過一夜情。April在Steven闔家歡相留言後,有網民回覆April說:「他這些天也跟我說他愛我!唔該april覆ig私信。受害者不是你一個,而家我d(哋)仲有兩個女仔等你。」翻查該網友IG,她似乎亦曾暗示Steven負情並開post說:「你想讓全世界知道你是個好人,但我們都讓身邊人知道我們是白癡。」據知現時April在朋友陪伴當中,現時情緒穩定。

娛聞樂陪你走遍全球追星,即Like「娛果」FB 專頁!
BannerBanner