【帶仔女行善】岑潔儀封肚不再追女 趙哲妤望女兒識叫媽媽

更新時間 (HKT): 2019.07.26 18:16
攝影:曹家誠

岑潔儀(Zoey)、趙哲妤(Uny)和李漫芬等今日帶同子女到銅鑼灣出席親子童裝表演齊齊行catwalk,活動更為慈善機構籌款。Zoey表示自己是第一次和大仔一起做善事,她說大仔今年4歲半,已開始理解何謂做善事幫助別人,問到大仔可願意捐出自己玩具給有需要的小朋友?Zoey笑言 :「玩具佢真係唔得,而家屋企細佬有時拎咗佢件玩具玩,佢都唔畀,但除玩具唔妥協外,平時佢都好錫細佬,又會照顧佢同分享食物。」

家中已經有兩名兒子的Zoey,問她可會再追女?她說:「唔會喇,湊兩個已經好攰,我而家喺屋企做女皇,唔想生多個女分薄我。」又直言老公是傳統男士,所以有兩個囝囝,已經心滿意足。

另外,趙哲妤亦是首次帶囡囡一齊行catwalk,她表示囡囡一點都不緊張:「佢好鍾意跟人,個個都跟,但做媽咪嘅就有啲擔心,驚壞人用一粒糖就跟人走。」談到囡囡早前稱有聽力問題,問到現在康復情況?她說:「佢好叻,我每日都會同佢做訓練,雖然而家仲未識得叫媽媽,我仲等緊呢一日。」

採訪、攝影:曹家誠

娛聞樂陪你走遍全球追星,即Like「娛果」FB 專頁!
BannerBanner