【我控制唔到】Steven自揭性上癮 35E舊愛莊端兒:佢花心就大家都知

更新時間 (HKT): 2019.07.26 12:00

34歲的張致恒(Steven)感情關係七國咁亂,昨日宣佈結婚,隨即有「正印」梁皓恩April和國產索女Moon群起數落與Steven仍未分手。曾與Steven拍拖4年、擁有35E出眾身材的莊端兒,當年亦是因為Steven被爆劈腿富貴台妹Doris致分手,隨後Steven承認自己有性上癮,自責衰鹹濕:「我控制唔到!」

莊端兒見到Steven宣佈結婚一刻,起初亦有恭喜對方,得知有女仔聲稱與Steven仍未分手,莊端兒亦有點意外,她今日接受《蘋果》電話訪問時說:「有啲突然,但係咪有好多受害者,我就唔清楚,我就已經放下。」她直言與Steven已沒有聯絡,問到對方是否一直好花心?她說:「佢花心就大家都知,希望以後佢修心養性。」會否直接勸導對方?她說:「都係交畀佢自己回應啦。」

另一位舊愛鍾舒漫則表示有看到Steven公佈奉子成婚後,原來跟April關係仍未搞清,造成很大打擊,April更留言暗示要尋死,鍾舒漫勸解:「我有睇到,雖然我唔知發生乜嘢事,唔知佢哋中間內容係點,係女仔見到都會心痛同擔心,我好希望April要珍惜自己,唔好做傻事,同埋我希望識April嘅朋友快啲聯絡佢,甚至快啲去到佢身邊陪佢同鼓勵佢。」

娛聞樂陪你走遍全球追星,即Like「娛果」FB 專頁!
BannerBanner