【捨不得你】鄭秀文嘆這份47歲的功課不簡單 完成了人生的小壯舉

更新時間 (HKT): 2019.07.27 15:07

鄭秀文(Sammi)的演唱會已經到達尾聲,昨晚在紅館上演第12場,Sammi坦言已經開始捨不得觀眾和團隊,在當初宣佈加開2場時,她表示會將這兩場的收益將全數撥捐予慈善機構,Sammi說:「我會捐呢兩晚歌酬畀無國界醫生、香港世界宣明會及恩光中心 (基督教靈實恩光成長中心),呢個中心我曾經去過探訪,佢哋主要照顧嚴重智障嘅小朋友。當我決定將最後二場變成慈善場之後,我就好有信心去完成佢,希望可以將我嘅第十次演唱會變得更加有意義。」

在台下睇騷的嘉賓包括有:容祖兒、胡杏兒及丈夫、周秀娜、陳潔儀、顏卓靈、黎瑞恩、丁子高、樂易玲、周汶錡和黃秋生等,陳慧琳則擔任表演嘉賓,Sammi表示已經有一段時間沒有見到Kelly並說:「佢真係好忙,要照顧蝦餃,而家幾大呀?」Kelly笑說:「蝦餃十歲啦,好大粒呀,而家粒餃好大個,細仔都7歲啦。」Sammi隨即說:「你仲keep得咁好,真係好想打妳,生完兩個仔條腰都仲咁幼,好離譜囉!」Kelly續說:「我就真係想打你,你仲瘦喇,成塊板咁,我咁大個女都未試過23吋腰,最多25吋。」接着Kelly忍不住伸手摸Sammi的纖腰:「你可能唔止23吋,做完可能得番20吋。」Sammi笑說:「我冇生過bb嘛,你長呀嘛,就唔係好覺,我細粒呀嘛!」

完騷後Sammi如常在IG進行分享,她留言說:「我捨不得.....你....yeah yeah!!!! ☺️ #像完成了某個小小的人生壯舉 #這份派給自己47歲的功課明天就完成了 #這份功課殊不簡單 #感恩有你們」其後她在短片中說:「好感激各位觀眾,台上台下嘅互動好好,而且因為今晚係慈善場,做起嚟比較特別,感覺好有意義一點,我會繼續加油。」

娛聞樂陪你走遍全球追星,即Like「娛果」FB 專頁!
BannerBanner