【好耐無聯絡】Sunny聞張致恒未婚妻芳名即落閘 大方送祝福

更新時間 (HKT): 2019.07.29 09:00

樂隊Supper Moment、Dear Jane及組合MIRROR昨晚在灣仔會展出席香港電競音樂節。Supper Moment成員張祖光(CK)剛剛再榮升爸爸,但下月他們將到台北及日本工作,幾乎整個月不在港,CK說:「冇辦法啦,細仔24號出世,而家科技發達,惟有用視像。」他表示雖然未能親自陪太太,但已請了陪月陪太太,其他成員即笑他三年抱兩,製造力強勁。

另外,有傳Supper Moment成員陳仕燊(Sunny)曾與張致恒未婚妻雯雯拍拖,問到雯雯是否舊愛?Sunny說:「冇開花結果嘅唔好講,恭喜有開花結果嗰啲啦!畀返啲空間大家,都好耐冇聯絡。」有指雯雯是「追星」族,很主動結識男藝人?Sunny有點尷尬說:「問番佢,呢啲好難講。」

樂隊MIRROR表示平日喜愛打機:「今日花姐(《全民造星》監製黃慧君)開綠燈畀我哋放肆打,平日偷偷哋打都會被花姐發現,因為個電話打橫咗。」他們透露平日亦會組隊打機,又踢爆成員柳應廷(Jer)是豬隊友。

姜濤自言打機時比較好勝,成員呂爵安(Edan)即爆姜濤搞笑事:「有次佢打到好high,係咁講英文,係咁問『Who's the best?』、『Who's the best?』。」他們又笑姜濤有時很「小學雞」,會在隊友面前自認師傅。問姜濤有何反擊?他笑謂:「大家開心就得啦。」

Dear Jane成員Nice日前表示希望與呂方合作,問到進展如何?他說:「繼續集氣啦,我真係好鍾意呂方,希望我可以願望成真。我有搵過呂方IG㗎,不過佢應該冇,我會再努力搵吓,我驚見到佢唔識講野。」談到他們以80年代為曲風的新歌《2084》,阿Tim說:「我哋之前喺西雅圖錄晒㗎喇,成個project好好玩,好耐冇試過放低一切,只係為好玩而做一個project。」

娛聞樂陪你走遍全球追星,即Like「娛果」FB 專頁!
BannerBanner