【開始實習】黃婉曼產後急復工搵奶粉錢 2歲大女返舖幫手

更新時間 (HKT): 2019.07.29 19:25

前主播黃婉曼的手工麵包餐廳今日在將軍澳開幕,老公馮柏基帶同長女現身支持,一班前新聞部舊戰友蔡雪瑩、林燕玲及好友陸詩韻、倪晨曦、黎燕珊等前來支持。昨日是長女Kyra的2歲生日,黃婉曼因要籌備店舖開張,無暇和女兒慶祝生日,今日一起唱生日歌補祝,並公開多謝父母及老爺奶奶支持,又指2位女兒給自己動力。

黃婉曼指新店提供麵包、餐飲,有日本和法國名廚駐場,也有提供烘焙課程,能提供就業機會,可謂一條龍服務,她說:「今次投資我所有,連大女都會跟我一齊返工,負責黐貼紙同抹廚櫃,好開心大女咁乖,媽媽返工佢冇喊,冇扯住我隻腳,我都放心。」黃婉曼幼女Kaitlyn才兩個月大,但她急於工作,並說:「餵唔到母乳,但細女飲得食得,10幾磅重,我趕住出嚟搵奶粉尿片錢。」

黃婉曼雖然未完全收身,略帶圖潤,距離未生產時還相差10磅,希望回復做女時期,至於會否追仔?她說:「暫時停工,經歷3、4年大肚生B,有2個女感覺好幸福,我鍾意大家庭,會工作先,之後再努力,要瘦啲,而家太珠圓肉潤,雖然有相士話我越肥越好,但我好懷念做女時候。」

陸詩韻自稱是麵包怪,一人可吃掉一磅方包,曾想過去讀藍帶課程,但由於費用昂貴,最後選擇了學習經營護膚品生意,如今可以向黃婉曼取經,並讚她夠專業又謙虛。

陸詩韻早前在元朗白衣人在鐵路站襲擊居民後,曾於網上抒發感受,她說:「搬入元朗5年,係一個好平靜放鬆地方,近排發生唔開心事,我住喺錦繡花園嗰邊,屋苑保安都安全,事件發生巿區多,但都希望唔好有混亂。」陸詩韻雖然甚少乘坐西鐵,但經常會出入元朗巿中心,知道商戶和民生也受影響,希望事件快平息,並說:「揸車都會盡量早啲返屋企,知道啲人情緒波動,盡量唔會太夜返屋企。」

黎燕珊透露兒子和女友經常會在家整麵包,她笑指自己是白老鼠,但覺得他們手勢不俗,而且是買烘焙產品在網上自學。珊姐和黃婉曼相識多年,稱讚對方是勤力女友,婚後仍好學不倦,更要湊小朋友又學做生意,值得學習。珊姐兒子在英國留學,尚有1年便畢業,可以甩難,透露兒子計畫畢業後返港工作,目標是入境處之類的政府工,她說:「我都有問佢有冇受局勢影響,佢話冇,最緊要正面,我都成日咁教佢。」

娛聞樂陪你走遍全球追星,即Like「娛果」FB 專頁!
BannerBanner