【學習心態】林愷鈴出活動當暑期工 份糧畀晒媽媽龔慈恩打理

更新時間 (HKT): 2019.07.30 20:36

許廷鏗、朱鑑然與林愷鈴(Ashley)今天於金鐘出席腕錶活動,在港大讀建築系的Ashley正在放暑假,她指要開始新學期的預備工作,上學期因要趕功課死線,經常不夠瞓,趁着暑假參與學生電影作品吸取經驗,並繼續當模特兒作暑期工,問她是否賺很多?她說:「錢嘅嘢唔知,媽咪同公司會處理,我嘅心態係學嘢,財政上一直係媽咪處理,而家我19歲,媽咪都叫我學理財,自己冇金錢概念,會學儲錢、開戶口同用信用咭,要健康咁使錢。」

許廷鏗談到好友胡鴻鈞宣佈復工,他笑說:「佢嘅諗法幾啱,佢怕耽誤劇組嘅拍攝,作為阿哥都老懷安慰,佢生生性性,識得照顧身邊人嘅感受。」他亦奉勸胡鴻鈞搏殺之餘也要錫身,他說:「出咗報告大致OK,佢傷好咗已經即刻約我打牌,我都叫佢唔好打通宵,傷到頭同頸,休養好緊要。」至於提到日前在網上呼籲粉絲不要外洩其牙科診所的資料,他說:「呢個係美麗嘅誤會,有一個病人支持咗我超過10年,而家係因為我去咗匈牙利讀牙科,係好感動嘅。佢放假嚟到我嘅診所,可能太亢奮,當時喺診所打卡,仲有將啲唔能夠公開嘅資料都擺咗上網,呢樣嘢對我嘅牌照係有影響嘅,佢知道之後都即刻delete咗個post,重三番四次同我道歉,下次要小心啲,亢奮之餘都要收斂一吓。」

另外,朱鑑然透露剛拍完兩部電影,一部是穿越電影,另一部則是時裝電影,戲裏跟陳靜合演夫婦,他說:「戲入面要做好爸爸同好老公,之前嘅戲都係要追女仔唔成功,今次終於可以家庭美滿,當中都有兩夫婦應該嘅親熱戲份。」問到這些親熱動作需要練習嗎?他笑說:「導演有指導,同Dada交流都唔尷尬,我哋好齊心,第1日嘅情感戲大家好盡力,感動到眼濕濕。」而拍攝完兩部電影的他趁機休息,早前跟家人到石垣島旅行,但卻曬黑了被經理人責罵,他笑說:「佢叫我唔好曬到咁黑,怕我之後要補拍戲份時唔連戲。」

娛聞樂陪你走遍全球追星,即Like「娛果」FB 專頁!
BannerBanner