【公義在人心】前新聞主播張寶華籲警勿忘公僕身份:希望快啲返回正軌

更新時間 (HKT): 2019.07.30 17:58
攝影:陳俊強

麥玲玲、張寶華、翁嘉穗及黃婉曼等今日到旺角,為一個品牌大獎頒獎禮擔任嘉賓,最近香港因為反修例風波所引發的事件越演越烈,剛剛21號更因為元朗黑幫無差別襲擊市民引起大家各界以至外國關注,麥玲玲受訪問時表示,自己認識很多記者朋友,見到他們在採訪期間受傷感憂心。

而前有線新聞主播張寶華亦表示看到近月的新聞感到十分憂心,她說:「尤其之前元朗嘅襲擊事件發生後,本來我會去旅行亦都cancel咗,真係冇心情,而且有唔少記者行家仍然喺前線採訪,都好擔心佢哋嘅安全。」對於警方執行清場任務時將催淚彈射向前線採訪的記者,張寶華表示:「佢哋已經亂晒嚟,好似忘記咗自己係紀律部隊,係公僕。」對於政務司司長張建宗日前就元朗事件向公眾致歉後,警方竟表示張建宗不代表警方,張寶華稱:「成個局勢真係好反常,希望快啲返回正軌。」

張寶華又表示暴力不能解決問題,反而會令局勢加劇混亂,呼籲各方冷靜克制。問到今日開始發起在港鐵的不合作運動,她說:「一般市民都知咩事,但有啲人仍然會覺得受阻,希望大家可以諗過辦法爭取多啲師奶支持。」對於現在抗爭的人,張寶華說:「希望大家理智啲,聰明啲,要諗吓仲有啲咩方法,唔值得為呢個政府斷送自己前途,我相信公義終有一日會見到。」

另外,黃婉曼的餐廳昨開張就,老闆娘今日有親自落舖幫手,她說:「因為今朝地鐵嘅問題,有啲同事返唔切嚟,所以我就喺舖頭幫手落單同啲客傾吓偈,其實都好開心可以幫吓手。」她自言會帶同囡囡返店,她說:「我都想佢見多啲人,以前佢好怕醜,而家就開始習慣。」

娛聞樂陪你走遍全球追星,即Like「娛果」FB 專頁!
BannerBanner