抗爭時刻出口號Tee
鄒凱光反駁發港難財
「我用創意換人工」

更新時間 (HKT): 2019.07.31 02:20

鄒凱光(灘叔)自逆權運動爆發後,一直關心示威人士安危,立場鮮明。不過近日灘叔以「Be water stay here」等句式,推出一系列口號tee,被網民怒轟「發災難財」、「食人血饅頭」,更有人呼籲他將收入捐給前線抗爭者。灘叔反駁指早在去年talk show已用過同樣字句,與抗爭事件無關,直言:「我用創意換人工,係我三十幾年嘅搵食方法。」

導演鄒凱光前日在facebook推出一共五款、每件賣299元的slogan tee,為最近的逆權運動打氣。不過貼文一出,即引起網友關注,指他借社會運動發財,也有網友覺得一件tee成本僅約60元,他卻賣299元,定價太貴,同時沒列明是否將部份收益捐給前線抗爭者,認為推slogan tee只是抽水,網友怒斥:「打住政治旗號,食埋個黑衫trend,錢就袋袋平安,呢啲唔叫人血饅頭係乜呀?」有網友更指灘叔早有鋪排,在上周已穿這款tee到紅館睇鄭秀文(Sammi)演唱會,還與Sammi合照然後貼相分享,藉此公佈開售詳情。

「呢批衫決心賺錢」

灘叔在fb回應了不少人提出的疑問,其中一位女fans失望表示:「一直支持你,但呢個時候賣口號衫,仲成299蚊一件,除非所有收入幫助『有需要人士』,不然就太那個了。」灘叔在網上回覆說:「如果你認為出『自由x』同『唔好搞我後面』係可以同我呢次相提並論,其實基本你已經有決定,我再講都多餘!你仲話一向有跟開我,我已經講到出口,大家負責嘅嘢唔同,我知前線嗰班好慘,咁係咪我哋要全部一齊鬥慘就代表支持,我係負責其他人繼續上路。」灘叔更說:「呢批衫我係決心賺錢,因為我都要食飯,我用我創意換人工,呢個係我三十幾年嘅搵食方法!」

灘叔昨日以短訊回應《蘋果》,他說:「件tee係我另外一個page『妙思淫』,其中一集裏面round up嘅說話攞出嚟,有啲鍾意整tee嘅朋友話好靚,攞出嚟整。整完之後,喺自己嘅page好多人都好鍾意,因為咁我先將好多自己嘅嘢拎出嚟印呢啲tee,諗住畀我啲fans大家開開心心。」灘叔強調字句全是自己的創意:「啲字全部係我自己嘅,都冇牽涉到落去成個抗爭。我睇唔到每一個字有乜嘢,even『be water stay here』係我上年做talk show已經講。大家要話我喺件事發港難財,佢哋要講佢哋嘅事,呢件事係為咗要嚟做一個記錄,同埋想大家聚埋一齊傾吓。」

網友倡捐出收益

娛聞樂陪你走遍全球追星,即Like「娛果」FB 專頁!
BannerBanner