【逆權運動】香港YouTuber聯署聲明響應8月5日罷工 達哥終於跟大隊

更新時間 (HKT): 2019.08.01 17:24
(fb圖片/資料圖片)

反送中引爆出來的政制度腐敗,連月的警民衝突和社會撕裂,大家看不到香港的前途,網上發起下周一(8月5日)全城響應罷工以作支援,杜汶澤的網台「喱騷」馬上響應,Youtuber大J都網上發聲,呼籲KOL界、Youtuber等站出來。

大J今日在facebook貼出「香港YouTuber聯署聲明」,大家都支持8月5日罷工。香港YouTuber聯署聲明內容如下:「由於香港病情嚴重,8月5日我們將放下這天的工作。」聲明被中共有44個單位聯署,當中除有大J、喱騷、Hana Tam、Rose Ma等,還有近日被網友鬧爆「奶共狗」不表態的打機達人「達哥」林慧韡,達哥終於現身跟大隊。

大J再留言:「響應市民發起嘅三罷行動,當日我自己唔會開工,我嘅員工亦都唔需要幫我做嘢,希望睇到呢個貼文嘅觀眾,亦都會一齊支持參與呢個行動。#香港人加油 #馬上成立獨立調查委員會 #官鄉警黑 #沒有暴徒只有暴政」

近日導演鄒凱光(灘叔)卻在敏感的抗爭時間,大賣299元的口號tee,被網民怒轟「發災難財」、「食人血饅頭」,灘叔不滿被指摘,他反駁發港難財:「呢批衫我係決心賺錢,因為我都要食飯,我用我創意換人工,呢個係我三十幾年嘅搵食方法!」大J昨日在fb貼出兩紙皮箱白tee,表示可以免費捐出來,大J此舉明寸灘叔,並留言:「近日有藝人推出T-shirt走出嚟發財,賣到成$299一件,厲害厲害。我自己都有賣T恤,不過冇乜宣傳過所以冇乜人知。下次邊度有好多人做完運動流晒汗,返屋企之前要換衫嘅,我會將呢啲T-shirt放喺就近嘅地鐵站,大家隨便取用。你鍾意換衫又得,抹汗又得隨便你。數量唔係好多,得400~500件啫,用得着就攞去啦。」

大J願意捐出這些白tee給需要換衫的巿民,非常慷慨大方。網友激讚:「白色無得輸!」大J回應:「呢期着白衫安全啊,防暴警察都唔理你呀。」至於這批白tee成本,大J續說:「一次回答有關錢嘅問題:我嘅成本唔多,幾百件tee只係萬零蚊。錢無咗可以再搵過。後生仔付出嘅比我多100倍,1000倍,佢哋嘅付出唔能夠用錢嚟衡量。」網友也和應「大家除咗着白色衫之外,背包放一兩張『支持警察!』嘅單張,包好人一生平安!」、「着白色可以同防暴we connect」、「着白tee點止警察唔理,打人都唔使拉」。

娛聞樂陪你走遍全球追星,即Like「娛果」FB 專頁!
BannerBanner