【獨家】許志安Sammi甜蜜拖手赴英國 修補安心裂痕

更新時間 (HKT): 2019.08.01 16:55

鄭秀文(Sammi)上周六終於完成13場「FOLLOWMi鄭秀文世界巡迴演唱會」,正式鬆一口氣。完騷後,Sammi已漏口風表示會去旅行休息,但被問會否與老公許志安同行,Sammi就避答,只表示會和朋友去。

不過,Sammi早說過「不放棄對方」原諒老公許志安出軌偷食黃心穎,辛苦完成演唱會去嘆世界,又怎會冇預埋安仔?今日下午約1時40分,《蘋果》讀者吳小姐就透過「爆相爆片」分享她在機場捕獲Sammi、安仔甜蜜出發去旅行的照片,而同一時間《蘋果》亦發現張衞健和老婆張茜現身機場。

吳小姐接受《蘋果》電話訪問表示:「今日大約1點40分左右,見到Sammi同安仔,佢哋同我一齊上咗架無人駕駛列車,然後喺40-80號落車。」從照片所見,穿皮褸全黑打扮的Sammi今日素顏沒有化妝,她將頭髮束起及戴上太陽眼鏡,而安仔則揹了一個黑色背囊,穿藍色牛仔恤衫襯牛仔褲。吳小姐說:「安仔戴咗口罩,見佢上車同Sammi密密斟,架車唔算多人,但Sammi都有四圍望,我舉高電話佢都有望一望我,但佢哋落車時就手拖住手咁行。」

據悉,Sammi今次除與老公安仔同行,張衞健和老婆張茜都是旅伴,但相信Sammi為怕4人齊齊現身機場會太張揚,故「張氏」和「許氏」決定分開在兩個機場大樓入閘,上機後才會合。本報亦收到消息,4人今次目的地是英國,估計他們會順道探望已移居英國的雷頌德(Mark)及太太梁家玉。

娛聞樂陪你走遍全球追星,即Like「娛果」FB 專頁!
BannerBanner