【新劇講死亡】江美儀張可頤演摑戲壓力大 楊英偉hehe咀勁肉緊

更新時間 (HKT): 2019.08.02 18:28
(攝影:陳慧安)

江美儀、張可頤、謝君豪、楊英偉和李蕙敏等,今日到新蒲崗為舞台劇《但願人長久》進行綵排,故事圍繞三個家庭,當中都有成員患上絕症,講述他們如何面對死亡的心路歷程。眾演員更即場示範演出,當中江美儀和張可頤分別要在戲中掌摑周漢寧、黃慶堯等三位年青演員,而楊英偉亦與邱福永有男男咀嘴戲份。

江美儀表示要演出掌摑戲壓力頗大,為免對方受傷更要剪短指甲,她說:「打嘅時候盡量用手指打,不過上到舞台一定係真打,冇得扮。」她又透露以前初入行亦曾拍過掌摑戲份,因經驗少不懂得留力,導致對手李麗珍面上留幾條手指痕:「我當時打完見到珍妹塊面幾條痕,真係好內疚,不停講對唔住。」江美儀稱現在每日綵排,下午茶都會自動「萬歲」作補償,她笑說:「佢鍾意食咩都請佢食喇,陰功囉,人哋個仔日日俾我咁打法。」

此外,張可頤亦表示掌摑戲壓力很大,她說:「我拍咁耐戲最擔心就係兩樣嘢,一係開槍,二係打人,真係好大壓力,而家練習緊點樣打向腮骨位,避重就輕。」謝君豪就表示這劇目雖然探討人們面對死亡的反應,但是充滿正能量,希望觀眾會喜歡。

娛聞樂陪你走遍全球追星,即Like「娛果」FB 專頁!
BannerBanner