【恭喜晒!】蘇頌輝爆太太想生6個 已準備好隨時造人

更新時間 (HKT): 2019.08.03 19:02

明珠台主持蘇頌輝(Desmond)和圈外女友林藹兒(Sophie)今年5月在泰國布吉註冊,今晚在金鐘舉行婚宴,筳開30席,一對新人傍晚恩愛現身切結婚蛋糕,更在雙方家長見證下多次咀嘴,表現甜蜜。

隨後兩夫妻接受訪問時,同聲表示吸取過布吉經驗後,在港補擺喜宴是另一種緊張,Sophie說:「籌備時間好短,好忙,但都好興奮。」Desmond說:「有第一次經驗,預計到心情冇咁緊張。」

Desmond與太太稱得上是閃婚,皆因和太太拍拖短短4個月,Desmond已準備求婚戒指,之後再苦等3個月,至拍拖7個月時旅行求婚成功。問到太太吸引之處?Desmond笑說:「應該問太太有咩唔吸引,大方得體,有內涵,有耐性,唔止100分。」Sophie聽完甜絲絲讚老公值1000分。

待所有儀式完畢後,兩人便會開始造人計劃,Desmond說:「唔會好耐,太太鍾意小朋友,結識時大家都研究過想生BB,太太話想生6個,以為佢講笑,但見佢個樣係講真,組成sports team。」Sophie尷尬表示會順其自然。

在布吉完婚後,二人曾到日本度蜜月,年底12月則赴紐西蘭,問到是否會為「造人」安排更多旅程?Desmond笑說:「太太咁靚,唔使旅行都好有mood。」他又透露紐西蘭的行程之一,會在旅行車度過:「呢個係我夢想,竟然有女仔會陪我去冇冷氣地方,又要俾蚊咬,即刻又加分。」

娛聞樂陪你走遍全球追星,即Like「娛果」FB 專頁!
BannerBanner