【當正最後一次】恭碩良開騷盡全力娛樂歌迷 望觀眾暫時拋開外界煩憂

更新時間 (HKT): 2019.08.03 11:46

恭碩良(Jun)昨晚繼續在麥花臣場館為其《Right Here Right Now Jun Kung Live 2019》舉行尾場,女友林憶蓮則未有現身台前,Jun延續首場的演出,今晚更邀得岑寧兒擔任嘉賓,到尾段致謝環節後Jun更眼濕濕地向歌迷表示希望明年再有機會開騷。

完成兩晚演出的Jun受訪時直言,實在未知明年是否還有機會開演唱會:「我今次係當最後一次騷去做,其實頭場都有啲眼濕濕,希望明年真係有機會啦,不過真係唔知㗎。」演唱會中Jun都有獻唱新歌,其新廣東專輯亦剛剛推出,他稱希望每年都能出一張專輯。 演出期間Jun表示希望觀眾暫時忘掉外面發生的事,專心享受今次演出,他說:「作為歌手其實真係好難,惟有真係要大家暫時將外面嘅嘢擺低,我盡力唱好歌娛樂你哋。」

Jun亦透露有意完成手頭上的工作後,花更多時間陪伴居住澳洲的爸爸,他說:「其實每年都會返去澳洲,但最近見到佢,發現好似老咗好多,我就諗其實應該陪佢多啲,我爸爸都係玩音樂,平時喺澳洲一啲退伍軍人Clubhouse度玩Band,希望可以去陪佢一齊玩。」

下星期就42歲生日的Jun被問到可會跟憶蓮一齊慶祝?他就笑著避談。

娛聞樂陪你走遍全球追星,即Like「娛果」FB 專頁!
BannerBanner