【好多嘢想試】宋熙年完約無綫正式甩身 不設防造人隨時有喜

更新時間 (HKT): 2019.08.03 22:05

薛家燕與女兒石祐珊、陳智燊(Jason)和太太宋熙年(Sarah)等,今晚到金鐘出席明珠台主播蘇頌輝(Desmond)婚宴。 宋熙年日前公佈離開工作12年大台娘家,兩夫妻透露近日一家人在蘇梅度假,期間在互聯網公佈消息。

宋熙年解釋:「因為有傳媒問我,所以決定寫個post交代事件,本身冇諗住咁早公開,同公司合約已經完咗。」至於未來去向方面,她說:「有好多唔同意見,舊年Jason離開比較迷惘,佢畀到大家勇氣,等我可以跳出框框。」陳智燊則說:「舊年離開公司時都有擔心去向,但過去呢一年試咗好多嘢,覺得好好玩,係一份大信心同鼓勵。」宋熙年希望人生要有突破,尤其當上媽媽後想人生有轉變,老公十分支持:「舊年太太鼓勵我,今年我鼓勵番太太,大家同一條路。」

提到可以趁空檔再生BB?兩人同聲表示本身有此計劃,宋熙年說:「有呢個幸運會接受,點都諗住生多個。」Jason解釋:「阿仔呢輪好唔聽話,唔整多個分薄啲,好似對佢太重視。」兩人處於隨時準備狀態,宋熙年笑說:「男士幾時都OK,我生咗小朋友到一歲時候想自己事業方面加把勁,幸好好多客戶都好錫我。」

宋熙年離巢後感恩舊公司為她安排工作到10月,至於會否簽新公司?她說:「見老公自由身,對我哋有興趣嘅人都會傾,未試過唔知道,好似開咗道門要摸索自己方向。」

家燕姐與新郎哥媽媽蘇蔡潔蓮(Irene)相識廿幾載,兩人子女更是一同成長。家燕姐感謝Irene曾給予機會讓兒子石耀庭在求學期間在港參與暑期工,令囝囝吸取不同人生經驗,家燕姐說:「而家好多朋友啲仔女都結婚辦喜事,好多飲宴。」家燕姐祝福一對新人,並送上最實際人情禮金。而Desmond爆太太想生6個小朋友組小隊,順便催促囝囝?家燕姐笑說:「吓!6個又多咗啲,順其自然,我生3個都好忙,我新抱都好鍾意小朋友。」

娛聞樂陪你走遍全球追星,即Like「娛果」FB 專頁!
BannerBanner