【8.5大罷工】譚小環擔心熱血細路肚餓冇嘢食 周一決定繼續營業

更新時間 (HKT): 2019.08.03 13:00

民間發起的8.5全港三罷行動,除了多個政府部門及公營機構員工均表態支持罷工外,同時亦有多個工會、團體熱烈響應,袁彌明和吳啟明旗下的商舖亦決定在周一罷市,譚小環開設的小食店日前響應民間發起的全民「助養」方案,向年輕人提供食物,對於會否響應8.5大罷工。譚小環昨日回覆《蘋果》說:「公司有其他股東,都唔係我一個人決定,如果有決定會公佈。」

結果在昨晚接近凌晨時分,「渣哥一九九六」在facebook出post,回應8.5大罷工的安排:「關於三罷行動,我哋呢幾日開咗好多次會,一直都拿唔定主意,究竟我哋三間分店應唔應該開門呢?罷工唔開,但又怕有熱血細路肚餓冇嘢食,想繼續提供「我愛香港」免費套餐;照開門,又怕大家誤會咗我哋唔支持今次活動,我哋討論咗好耐,一時就話罷啦,一定要支持到底,一時又會話唔係喎,又有其他原因值得開喎!咁我哋而家有個決定——就係照開,因為我哋覺得,每個人都有不同嘅崗位,有人負責救火,有人負責拎水,有人負責急救,咁我哋嗰三間舖,係應該做最後嘅食物支援。雖然都唔係話幫到好多,但好似人人出少少力,就可能推動到少少,希望大家唔好覺得我哋好傻,亦唔好介意我哋出嘅力唔係好大。」

至於當日的安排,他們說:「1 所有分店將會繼續提供「我愛香港」免費套餐,而當日之供應時間會順應提早由08:00開始至21:00。**真•細路如需要外帶給其他正在夢遊的真•細路,每位上限增加為8盒。2 當日所有公司員工,無論以任何原因需要請假,當然亦會無條件獲批准有薪假期。**基本法第3章第27條清楚表明:香港居民享有言論、新聞、出版的自由,結社、集會、遊行、示威的自由,組織參加工會、罷工的權利和自由。民主之精神,莫過於能確切表達民之公意。香港人加油」

不少網民對小環今次的決定表示支持,有人説:「其實罷到就罷,罷唔到有心都可以,不怪責年輕人,已經好好,而且你哋表明支持佢哋。」、「多謝你開門,撐年輕人,為肚餓嘅抗爭者提供食物,年輕人一定會十分感激你,大家齊加油,各自用自己嘅方式為年輕人打氣」。

娛聞樂陪你走遍全球追星,即Like「娛果」FB 專頁!
BannerBanner