【有喜訊自會公佈】許廷鏗抱外甥女被誤秘密生B：都未播種

許廷鏗和衛詩等人今日在尖沙嘴出席商場音樂會，碰巧旺角遊行人群已至尖沙嘴，許廷鏗表示沒有受阻，乘車來時經過人群：「都諗過會唔會有影響，見到都平靜，但作為歌手希望娛樂大家，做番我哋職責，點都要嚟。」他稱近日如很多人一樣要情緒釋放，找朋友聚會。

許廷鏗提到家姐再添一女，有fans以為是他的，但他認為不用刻意澄清：「我都開始有呢種諗法，希望搵到合眼緣又肯生小朋友嘅人。」他指若有喜訊會公佈：「都未播種，唔會無啦啦有。」

衛詩剛從非洲探訪回港，在當地逗留2星期，帶了糖果及文具送給當地孤兒，雖然當地環境簡單，又沒網絡，但她感舒服不捨得回來：「我哋探訪好多家庭，佢哋好堅強，喺佢哋身上學到好多嘢，我哋好感恩，有好多嘢又住得舒服，但當地人好多嘢都冇，但好堅強。」她希望下年暑假再探訪，更希望家姐衛蘭可同行。

採訪、攝影：王連連