【為動畫學日文】陳明憙迷戀宮崎駿世界 渴望同超完美「白龍」拍拖

更新時間 (HKT): 2019.08.04 06:00

宮崎駿和高畑勲筆下的《天空之城》、《龍貓》、《千與千尋》和《哈爾移動城堡》等作品膾炙人口,伴隨着幾代人的成長,其工作室吉卜力更將於8月在港舉行「吉卜力的動畫世界」展覽,將動畫場景在展覽上一一還原。自小喜歡宮崎駿動畫的陳明憙日前在尖沙嘴接受《蘋果》訪問時,更透露受他的作品影響才立志學樂器及唱歌:「我好鍾意睇動漫,係超級宅女,亦因為咁去學日文。」

除喜歡上故事外,當中久石讓的配樂亦深深打動了明憙,她說:「因為配樂,所以我學玩樂器,以前好鍾意《千與千尋》嘅《夏日》,記得以前學琴連考試都唔想考,係要練好呢首歌先,亦試過用唔同嘅樂器都係去彈奏宮崎駿嘅歌,第一首識彈嘅係《天空之城》,影響到而家寫歌都希望可以結合到古典樂同流行曲。」

如數家珍地講出宮崎駿作品的明憙,透露因為父母都是宮崎駿的影迷,耳濡目染下自己亦愛上:「所有作品都睇晒,我記得細個有一段時間我係會著住藍色衫紮住孖辮,模仿《天空之城》個女主角咁,夜晚瞓覺都要爸爸媽媽好似男主角咁抱起我上房。」

所有宮崎駿的作品中都有着強烈的環保意識,明憙表示自己亦因此受影響:「令我都有好強嘅環保意識,會好喜歡大自然環境,森林同花草樹木。」最重要的是改變了她的愛情觀:「好多套作品入面嘅男女主角所經歷嘅都係好有意義嘅事,永遠係互相幫助去做一啲好夢幻嘅事,亦都毀壞咗我對愛情嘅睇法,因為作品入面實在太高要求,真係睇壞腦。」

明憙形容作品中的男主角屬超級完美:「好似《千與千尋》個男主角叫白龍,現實生活邊度搵條龍返嚟啫,如果要貼近少少《夢幻街少女》入面男主角天澤聖司,識彈小提琴又識整,同女主角喺圖書館相遇,現實中去邊度搵?」為了找到另一半,明憙可會降低要求?她笑說:「唔會,我暫時都會保持住純真,等我嘅白龍出現。」

近日在趕製新歌的明憙透露,新作會於8月底推出,並剛遠赴青海拍攝MV,她說:「其實都有受宮崎駿影響,因為拍攝地方全部都係大自然景色,唔想硬推環保呢個議題,想令大家關注其實可以拍一啲好靚大自然景,令大家愛上咗先。」

娛聞樂陪你走遍全球追星,即Like「娛果」FB 專頁!
BannerBanner