【孖住直播】許廷鏗歡迎翻唱新歌 惟獨胡鴻鈞例外

更新時間 (HKT): 2019.08.07 18:10
(左圖攝影:盧妹)

許廷鏗今日到商台宣傳新歌《我們與愛的距離》,該曲昨晚於網上進行MV首播,他更開live與歌迷邊傾偈邊睇MV:「我又拉埋Hubert(胡鴻鈞)入嚟做live,而家我好似做咗佢代言人咁,咪叫埋佢一齊live囉。佢都即場唱咗幾句我首新歌,我叫佢唔好唱太多,怕佢唱得好聽過我。」他透露胡鴻鈞已造好新歌,應該很快會推出。

許廷鏗笑謂現時做歌手很忙,昨晚分別在不同網上平台開live宣傳,但希望可以與樂迷分享愛情觀或是情緒抒發。他又歡迎大家翻唱他的新歌,更以絕版禮物「引誘」大家:「為期一個月,希望大家盡量cover(翻唱)我首歌,我搵到之前演唱會最後3本紀念冊出嚟,邊個唱得好,我就將紀念冊送到府上。」

許廷鏗坦言現時不只歌手才能發佈自己的音樂:「只要唱得好,首歌就自然有人聽到,而家嘅氣候係咁,我哋做歌手都冇得高高在上。」

採訪、攝影:盧妹

娛聞樂陪你走遍全球追星,即Like「娛果」FB 專頁!
BannerBanner