【愛犬之人】郭晉安要仔女經歷離別之痛 楊采妮養狗陪孖仔成長

更新時間 (HKT): 2019.08.08 10:44

楊采妮(Charlie)與郭晉安在電影《小Q》中,飾演導盲犬寄養家庭的夫婦,二人於現實中亦是愛錫狗隻之人,跟自己的小朋友灌輸不棄養寵物的宗旨,Charlie更讓孖仔與家中小狗一同成長,而郭晉安就要仔女經歷離別之痛。

身為一對2歲孖仔媽媽的楊采妮笑言,因為自己是獨生女,所以很羨慕孖仔有伴成長,而他們更有一個好「家姐」,Charlie說:「我隻狗女3歲,係孖仔嘅家姐,孖仔仲係BB時,同狗狗隔住個欄,我以前同狗狗講,等BB大個就可以同你哋玩,狗狗係好好保鑣,BB喊就通知我,而家小朋友大咗就一齊玩,我反而叫兩個仔唔好咁大力扯狗狗,要就住狗狗。」

Charlie表示,以前不知道導盲犬是先到寄養家庭接受訓練,之後再服務視障人士,Charlie說:「我好佩服寄養家庭,完成導盲犬工作之後,通常係寄養家庭收養番,我覺得佢哋好偉大,照顧埋狗狗最後一程。我哋有同寄養家庭傾偈,佢哋真係好有愛心,我問佢哋係咪每次都好難受?佢哋話係好難受,但又覺得好開心。」

郭晉安的大仔11歲,細女8歲,在兩、三年前經歷過家中小狗離世,郭晉安說:「佢哋喊得好淒涼,兩個一齊喊,當日放學返嚟,話畀佢哋聽走咗嘞,見唔到最後一面,被人清走咗,不如我哋祈禱,一祈禱就喊,畀佢哋抒發下。我忍住淚,而家唔再養,之後養唔養等佢哋自己決定,佢哋見證咗養寵物係養到死嗰日,唔好貪得意。」郭晉安發現,原來做導盲犬寄養家庭有守則,不可令狗狗心情太興奮,安仔說:「我做咗寄養家庭,幫朋友養10幾年,等小朋友可以經常面對。」

安仔大讚導演處理狗狗方法理想,他說:「開戲前導演已經問邊個要收養狗狗就舉手,要收養晒所有狗先開戲,大前題下我覺得好有意思。」

娛聞樂陪你走遍全球追星,即Like「娛果」FB 專頁!
BannerBanner