【恐怖蘋台】泰國拍《綁靈》出事 岑日珈遇死雀失控狂喊

更新時間 (HKT): 2019.08.09 23:15
岑日珈

由潘紹聰與《蘋果動新聞》合作炮製的全新靈異節目《恐怖蘋台》,已經在「果燃台」上架,首集適逢農曆七月,主持潘紹聰特別請來其監製的新片《綁靈》導演陳鵬振、靚女演員岑日珈和麥家瑜(Keeva)壯聲勢。電影由惠英紅和陳家樂主演,內容圍繞日本軍魂的故事,靈感來自一間九龍名校的都市傳說,陳導演說:「咁唔好彩識咗啲名校學生,講咗好多裏面嘅傳聞我聽,我抽咗部份覺得幾過癮嘅,將佢哋串埋一齊。」

岑日珈早前隨攝製隊遠赴泰國一荒廢學校拍攝,拍攝頭幾日便「領嘢」。當時她去洗手間,一推開門,突然有隻雀仔當場死在她面前,「嘭一聲撻落嚟死咗,奇在唔係露天,點解會高處墮下呢?」當晚岑日珈完全不在狀態,拍不到戲之餘又疑神疑鬼,線覺得劇組人員迫害她:「個個都好似鬼咁,想害我想壓迫我咁。加上泰國隊crew膚色偏黑,燈光又暗暗沉沉,離遠望唔知係鬼定人嚟!」之後她返酒店仍未能平息,失控狂喊一整晚:「嗰刻好驚,唔知點形容,好似畀嘢控制咗咁!」

岑日珈又自言對靈異界特別敏感:「以前爸爸媽媽帶我去算命,有個神婆見我,話我做算命好叻、搵好多錢,只要去學吓、開天眼,會感應到好多嘢。」不過她當然沒有跟從,因她自言膽小,睇恐怖片也怕怕。

《恐怖蘋台》已登陸「果燃台」,各位《蘋果動新聞》的升級壹會員,可打電話或whatsapp至 93321941,分享你們的靈異經歷。

娛聞樂陪你走遍全球追星,即Like「娛果」FB 專頁!
BannerBanner