【補場入座率99%】容祖兒嫌張學友細佬唔夠強 臨時拉張信哲上台助陣

更新時間 (HKT): 2019.08.13 16:39

容祖兒紅館演唱會昨晚去到第8場,由於首場機件故障影響演出水準,祖兒覺得愧對觀眾,決定放棄本來的休息日,將昨晚作為補償,讓持頭場門票的觀眾可以再次入場。

祖兒看到99%入座率,眼泛淚光,感動說:「唔知點解,今晚特別感動嘅!」之後她又對觀眾說:「今晚係好特別嘅晚上,未試過一張飛可以睇兩次。無論你今晚係唔係第2次嚟睇,我希望唔會有第3次。無論第幾次,作為今晚主場,一定盡我努力去演出,多謝你哋。其實你哋之前係睇拉闊,冇特別製作,以歌會友,今晚先喺紅館。」

頭場因為機件故障而未能呈現舞台效果,祖兒不忘跟觀眾分享舞台設計,她說:「英國舞台設計師Es Devlin同我設計,佢幫過好多國際巨星做演唱會舞台,例如Beyoncé、Kanye West、Lady Gaga、Adele、Rihanna、Katy Perry、好開心我能夠成為佢第一個亞洲區合作歌手,冇咩好講喇!總之如果你係iPhone嘅話,我今晚就係你奶媽,會幫你叉爆電,其他說話留喺我歌裏面,同大家講。」

由於是特別場,祖兒之前並沒預算邀請嘉賓,她臨時請以朋友身份特別從台灣來捧場的張信哲擔任嘉賓,祖兒說:「第一晚嘉賓係張學友,唔係以為今晚都係佢呀?神呀,點會連續兩次嚟同你哋玩?你哋係咪傻㗎?哈哈!張學友就冇喇,張學友個細佬就喺度.....張家輝。」

坐在嘉賓席的張家輝大方掀起cap帽跟大家打招呼,祖兒笑說:「講唱歌未必係佢強項,不如我哋視線再移兩個位,呢度有另一個姓張,張信哲先生。阿哲多年前同我合作做過《我是歌手》,佢好似好耐冇喺香港演出,大家覺得點?不如試吓用誠意打動張信哲。」

張信哲卻不停耍手示意沒準備,但最終都走上台:「哎吔!我沒有要來當嘉賓,我是來幫你加油。」祖兒笑說:「沒關係,你整個人都好Ready,粉紅色,大家說帥不帥?」阿哲笑道:「帥我承認啦!但是沒準備。」之後兩人合唱了《愛如潮水》和《習慣失戀》。

娛聞樂陪你走遍全球追星,即Like「娛果」FB 專頁!
BannerBanner