【5人同台】陳奐仁預告個唱晒40粒腹肌 揚言要挑郭富城機

更新時間 (HKT): 2019.08.15 18:21
(攝影:盧妹)

陳奐仁今日到商台接受鄭裕玲(嘟姐)電台節目訪問,月底將於會展舉行音樂會的他說:「我會叫埋我教練,加埋佢3個朋友,5個人同台曬40粒腹肌。所以我而家會keep住操,但唔會加操,全行我知道得一個人係唔會加操㗎啫,嗰個就係郭富城,我而家喺操嗰方面同佢睇齊,但係身型唔睇齊囉,減極個頭都咁大,好似大頭娃娃咁。」

他表示向來修身的目標只為健康,剛剛完成的身體檢查,血糖及脂肪比例已回復中學年代。問陳奐仁會否出書分享修身心得?他說:「呢個係好主意。」記者笑言一定要除衫拍寫真,身旁的太太即附和說:「隨便影,最緊要靚。」陳奐仁表示要先練靚線條及身型:「我要挑戰郭富城,要練返啲翼出嚟先。」

他笑指嘟姐認為他做運動做上癮:「我唔做運動會內疚,但係我食嘢都一定會有蛋白質同碳水化合物,直到60歲都會留意住飲食,不過我冇減食,反而係揀嘢食。」

陳奐仁指因身型弗,才會嘗試新歌《Can You Hear Me》這類跳舞音樂:「以前圓碌碌,跳到幾叻都睇唔到,而家起碼有啲嘢睇吓。」

採訪、攝影:盧妹

娛聞樂陪你走遍全球追星,即Like「娛果」FB 專頁!
BannerBanner