【離世感惋惜】周家蔚憶Rosa似嚴肅媽媽 參選時常被鬧到喊

更新時間 (HKT): 2019.08.18 16:03
(攝影:陳慧安、資料圖片)

貝安琪一家三口和母親劉香萍、周家蔚和兩子及蔣怡、翁狄森跟女兒,今日在沙田出席食店周年紀念活動,貝安琪母女合力製作一條微電影片段《一棵心中的許願樹》,宣傳三代同堂,貝安琪首次寫劇本,日後希望更多創作。

昨日,港姐之母陳紫蓮(Rosa)病逝,港姐出身的周家蔚惋惜表示:「個心好唔舒服,發生事都唔知,都係噚日先知道消息,佢好錫我,每樣嘢都為我緊張,記得選港姐時,若果Rosa埋嚟拍你手踭即係有嘢同你講。」並深刻記得Rosa嚴厲一面,她說:「Rosa都惡㗎,我選港姐時成日眼瞓遲到俾佢鬧,我會喊,可能佢睇我係知錯能改,之後見到我結婚佢好安慰,好似媽媽咁錫我。」

另外,周家蔚透露家庭時常三代同堂相處,經常將兒子生活片段傳給老爺洪金寶觀看,兩子洪大仁(TJ)和洪竟琋(JT)年齡漸長,懂得玩視像和家人溝通。

周家蔚不捨暑假完結,過去一星期都有接細仔JT放學,她說:「好hurt呀,一放學阿仔見到我都扁晒嘴好失望,話想同女同學坐車,做阿媽係想個仔見到我接放學好開心。」兩子嫌暑假未玩夠,向媽媽扭計,又出言怪責:「佢哋竟然話係Daddy帶我哋去玩,Daddy畀錢,我同佢哋去咗幾個旅行,我即刻同佢哋講道理,暑假放棄咗自己時間陪啲仔,佢哋咁樣講嘢。」周家蔚生日將至,老公洪天明承諾會趕返港團聚過生日。

貝安琪兩歲兒子貝小龍即將上學,因為家庭不同語言溝通關係,年紀輕輕已學會五種語言,包括廣東話、普通話、英語、德文和法文。貝小龍得意可愛,兩夫妻有意再追B,貝安琪說:「老爺都催我哋追多個,好鍾意小朋友,我隨時準備,仲後生都ok。」

娛聞樂陪你走遍全球追星,即Like「娛果」FB 專頁!
BannerBanner