【有默契都受傷】與張家輝新戲互毆 任賢齊打到斷筋腱

更新時間 (HKT): 2019.08.18 23:30
攝影:陳俊強

張家輝、任賢齊(小齊)、郭晉安及吳卓羲等,今晚在黃埔出席電影《沉默的證人》首映禮,戲中飾演法醫的家輝,與飾演犯罪頭目的小齊打鬥連場,小齊表示打得好辛苦,猶如打爛仔交一樣:「好彩我同家輝有默契,雖然有時拳腳冇眼,但係起碼節奏同動作都配合到,而且家輝好體貼,拎起滅火器、玻璃樽,佢都會用個頭嚟試吓先,佢覺得OK先至嚟打我。」家輝坦言打人都會有很大的壓力。問到有沒有受傷?小齊說:「斷咗肌肉嘅筋腱,我用咗個幾月拐杖,佢哋都好遷就我,拍咗文戲先。」

對於有報道指家輝忙於工作,冷落了太太關詠荷和女兒Brittany,家輝笑說:「搵一次我同個女行街,佢去做嘢,其實佢哋兩個已經慣咗。」問到是否很少享受家庭樂?家輝說:「都唔係,例如我好長時間做嘢之後,我返嚟都會同佢哋出去食餐飯。」至於暑假有否與女兒去旅行?他說:「就係呢個暑假,最遺憾去唔到,因為我有好多工作,所以陪唔到佢,咁佢同媽媽去囉。」家輝又笑指家人因已習慣自己很少留在家,故沒有不滿,而小齊則表示在工餘時,會抽時間陪伴家人。

家輝指小齊經常有戶外活動,如有時間亦想一起參與,小齊說:「我因為拍紀錄片,所以去咗好多地方,我啱啱去完馬來西亞嘅熱帶雨林,我可以帶家輝去沙漠。」家輝立即笑問:「沙漠有冇厠所㗎?呢單嘢好大單喎,如果(沒有廁所)我喺度瞓,啱啱有人去完厠所,我瞓瞓下一手插咗落去,有舊年糕喺度。」

談及家輝日前欣賞容祖兒演唱會時,未有上台獻唱,他笑說:「我之前一直做宣傳,都冇時間練歌,你估真係行出嚟,唱歌就唱歌咩!」小齊即說:「你得嘅,我開演唱會搵你做嘉賓。」

郭晉安在戲中飾演「似基非基」的保安員,他笑說:「第一日開工,導演(《虎膽龍威2》導演Renny Harlin)希望我表現到基嘅感覺,但我實際上唔係基,講完就走咗去,我諗咗好耐,其實講我呢個角色係飲醉酒。」問到有沒有真飲酒?他笑說:「咁又冇喎,我啲演技搭夠,扮基方面,導演成日話very good,但其實係未收貨,係well done先收貨,佢要求好完美。」對於跟Renny Harlin合作,是否感到壓力大?吳卓羲說:「佢好專業,因為佢聽唔明我哋廣東話對白,所以每次拍之前都想我哋圍讀,知我哋嗰場戲講乜。」

採訪:黃曉妍、攝影:陳俊強

娛聞樂陪你走遍全球追星,即Like「娛果」FB 專頁!
BannerBanner