【婚期未定】黃子菲懷孕初期瘦咗4、5磅 等肚大啲同楊政龍影孕照

更新時間 (HKT): 2019.08.21 19:40
攝影:盧妹

楊政龍女友黃子菲(Ava)與陳蕊蕊今日到旺角為寄賣格仔店開幕擔任嘉賓。早前宣佈懷孕的Ava,穿上貼身短裙及平底波鞋現身,問她現時懷孕多少個月?她笑謂沒有公佈:「預產期係出年,不過我都係想講返今日活動嘅嘢多啲。」Ava表示有寄賣嬰兒產品、保健及美容產品,投資約5位數字:「我本身有做online shop,呢度嘅好處係唔使請人,但係又有人幫我打理。」

談到懷孕初期的妊娠反應,Ava表示頭3個月很辛苦:「要瞓好多,食嘢又冇胃口,我瘦咗4、5磅,而家先重返去100磅頭。口味冇咩,係以前唔鍾意食嘅嘢,而家都會食,有時又突然想食某啲野。」問到腹中寶寶是男是女?她大賣關子:「只係屋企人知,朋友都唔知。」她又表示等個肚更大,便會與BB爸爸齊齊影孕照,至於計劃何時結婚?Ava說:「等生完BB先再決定。」

陳蕊蕊亦投資5位數字,寄賣美人魚主題產品:「我成副身家嚟,因為我又投資咗美人魚學校,遲啲又有個比賽,仲有慈善晚宴,雖然有贊助,不過自己都拎咗好多錢出嚟。」她表示美人魚學校已收支平衡,又透露最想開餐廳:「不過而家呢個環境再睇定啲,都有學定沖咖啡嘅。」

近日不少女士於網上騷胸派福利,問陳蕊蕊今日為何打扮密實?她自爆最近肥了近10磅:「等我減肥先啦,之前拍完戲好放肆,而去沙灘都要遮住呀,唔敢着比堅尼呀,我怕俾人打。」

採訪、攝影:盧妹

娛聞樂陪你走遍全球追星,即Like「娛果」FB 專頁!
BannerBanner