【各自解讀】許廷鏗為「權力論」解畫:邊個受傷都唔好

更新時間 (HKT): 2019.08.25 11:25

許廷鏗、馮允謙、組合Mirror及林奕匡等昨晚為新城台慶音樂會擔任表演嘉賓,開場前有觀眾大叫「香港人加油!」。

許廷鏗打頭陣演出,獻唱《單數》時大跳辣身舞,Chok爆表情摸女Dancer屁股兼自摸。他到後台受訪,記者要求他與女Dancer重演摸屁股,許廷鏗卻Chok唔起:「台上同台下嘅我係兩個人,喺台上面我會Chok到㗎啦。」

許廷鏗指經常與同一位女Dancer跳辣身舞:「以前冇咁尷尬,而家佢已經係人妻,不過佢又好好唔介意。」他指今晚是首次為《單數》跳舞,心情有點緊張。問許廷鏗是否要做跳唱歌手?他笑指:「跳唱歌手呢啲銜頭應該係人哋畀嘅,我唔敢講,不過我好鍾意跳舞。」他透露最近亦造了不少跳舞歌,曲風比較性感,舞步亦比今晚更激、更高難度。

許廷鏗又笑謂年紀大,跳舞真係很辛苦:「我同Mirrior差一個圈呀,不過跳舞就可以瘦啲,體能同精神都好啲。」

至於早前他於社交平台發表「權力論」,隨即有網民亂扣帽子,許廷鏗說:「有好多唔同解讀,當日發生有醫護人員被捕嘅事。我作為醫護人員,嗰個人係我朋友嘅朋友,我唔想再延續落去,邊個受傷都唔好,支持下囉。」

Mirror透露有意於年底推出專輯,12位成員將分成4小組造合唱歌,隊長Lokman說:「到時會有4個小組嘅合唱歌,仲有我哋12個人嘅歌,佢哋獨唱嘅歌就應該唔會收錄。」早前各自推出單曲的陳卓賢(Ian)及姜濤,希望可以推出個人EP,姜濤說:「儲到3、4首就得,而家第二首兩都追得七七八八,敬請期待。」

問他們4小組可有奇招搶fo?李駿傑(Jeremy)謂他將與其他三位成員推出K-pop風格的歌:「擔心香港市場,唔知鍾唔鍾意,不過我哋又想畀大家睇到我哋唔同一面。自己人同自己人鬥係良性競爭,每個人都有公平機會好好,唔好話內鬥,大家都係為Mirror做好件事。」

早前透露有結婚計劃的馮允謙,被問到何時向女友求婚?他笑言未準備好:「而家要揾多啲錢先,繼續出歌同埋做下幕後,有穩定收入先。」他表示女友不時亦有提到結婚打算,亦坦言已被對方父母視為未來女婿。

娛聞樂陪你走遍全球追星,即Like「娛果」FB 專頁!
BannerBanner