【雪定冰墊畀拍檔】江美儀邀前夫睇舞台劇:佢好似落唔到嚟香港

更新時間 (HKT): 2019.08.25 19:10
(攝影:仇志德)

謝君豪、張可頤、江美儀、李蕙敏等今日在北角為舞台劇《但願人長久》進行綵排,其中有江美儀要掌摑邱福永的劇情,楊英偉則要與黃慶堯男男咀嘴,事後江美儀笑說:「最大件事係,摑幾多巴係唔定,去到情緒停就停。」問她正式演出時,會否更加用力摑?她說:「我諗會,但頭先都係認真做,大家都有默契,話到明唔好就力,因為驚唔好睇,所以佢哋好好,雪定冰墊,福永都敷咗一輪,因為真係好痛,冇辦法,呢個係為藝術而犧牲,其實我隻手都痛㗎嘛,我隻手都要敷冰。」有否邀請前夫吳君祥到場欣賞?她說:「我叫咗佢,但好似落唔到嚟香港睇,佢喺北京做緊嘢,我有邀請佢睇。」

這套舞台劇講述生死,所以他們的演出都很沉重,謝君豪說:「日日都喊,今日首次演,仲有兩個鐘就開始,我要恰一陣補充體力。」張可頣笑說:「唔好瞓過龍呀!」謝君豪表示只是休息15分鐘。問到要怎樣護聲?張可頤說:「有咪,還好,同埋有食清音丸。」

娛聞樂陪你走遍全球追星,即Like「娛果」FB 專頁!
BannerBanner