【娛講Video Talk】賤男有冇樣睇?莊端兒玄學家吳佩孚同你解構

更新時間 (HKT): 2019.08.27 18:36

賤可以分好多種,口不擇言可以簡稱口賤、當街大小二便通街蹲,可以視為身賤。不過最為人不齒的是出軌腳踏幾船的賤男。古語有云相由心生,睇樣都可以看出身邊人有沒有行差踏錯?學多一技傍身,可以避免揀錯郎。

「果燃台」直播節目《娛講》今日下午就找來莊端兒、被人鬧過「賤男」的前港男梁裕恆(Flow),以video talk形式同大家講下何謂賤男?又搵到玄學家吳佩孚從相學角度,分析面相,睇下賤男是否有樣睇,幫一眾姊妹趨吉避凶。

莊端兒先談到「賤男」的定義,她說:「你覺得一腳踏幾船好有問題係咪?但佢哋多數都會數臭主船,但我覺得一隻手掌拍唔響,係雙向。」讀者阿神指賤男是由心開始賤起,更指看不出的賤男,才是最賤的賤男。

吳佩孚談到面相有分成賤、貴,但有時可能是一個好人,但倒霉時也會被人認為賤,更認為這樣很冤枉,他又說:「有啲男人結婚之後,好愛家庭,係好男人,但可能佢嘅前度都會覺得佢係賤男。」莊端兒又插嘴指:「世上嘅誘惑真係太多喇。」

問到吳佩孚心賤的人有沒有面相,他指最重要看眼睛:「有幾種要好小心,眼大嘅目好似Flow咁就係好人,微絲細眼未必是好,佢會對你好就會好,但一離開間房就會出賣你,佢哋比較抵受唔到誘惑。」

茜利妹在直播中在網上搜尋「賤男」,出現的圖片男子,全部也有「恆」字,吳佩孚指「恆」字是比較易容發生感情問題。吳佩孚又談到性欲強也有面相:「第一大鼻,第二眼眉深,男女都係一樣,眼眉深長的話感情會比較複雜,如果女人眉弱,感情好似出問題,如果係有心去剃眉的話,問題會更大。」

娛聞樂陪你走遍全球追星,即Like「娛果」FB 專頁!
BannerBanner