【龔慈恩教女賣口乖】林愷鈴讚多才多藝 王梓軒爆笑:呢啲咪戲好囉

更新時間 (HKT): 2019.08.28 16:10

王梓軒繼上次和龔慈恩女兒林愷鈴(Ashley)合唱《安全著陸》後,今次又有新搞作。最近他們忙於為港台「展翅計劃」綵排音樂劇《安全着陸的許願流星》,梓軒兼任男主角及戲劇指導,女主角亦是由梓軒推薦,他說:「我有提過,度劇本嗰時都想搵一個好有正能量嘅女仔,加上年齡啱,就一拍即合。」

梓軒稱讚Ashley:「佢好用心,有自己嘅演繹方法,係叻女。我覺得音樂劇最重要歌、戲同舞,佢都好好,佢學習能力好高,又好專心,但唔使埋位時,佢個人好似忍者,佢個新花名係『火影』,因為一嗌停,佢就好快唔知去咗邊,好犀利,我好似佢咁嘅年紀都冇佢咁好氣力,佢真係好勁。今次係一個勵志嘅音樂劇,希望畀啲訊息年青人,無論你覺得自己條路行得順唔順,只要堅持就有希望。」

受到梓軒的讚賞,Ashley尷尬說:「多謝。突然間有壓力,我會盡力做好,第一次做舞台劇,梓軒多才多藝,同佢合作學到好多嘢。」梓軒笑說:「呢啲咪戲好囉!佢話佢阿媽教佢『你下次見到梓軒,你咁樣做,佢就會再搵你。』」

剛從加拿大返港的Ashley,因時差感到有點累,她說:「啱啱去旅行順便探親,其實係ok嘅,如果唔係有排練,我又攤喺屋企唔知做乜,所以係一個好寶貴嘅機會。」

娛聞樂陪你走遍全球追星,即Like「娛果」FB 專頁!
BannerBanner