【狗仔出更】暑假完結又開學 郭晉安歐倩怡親自接送仔女

更新時間 (HKT): 2019.08.28 11:30

雖然下周一才是開學日,但大部份國際學校已經開學,《蘋果》昨日便見到不少星二代回校上課,包括趙薇與黃有龍9歲囡囡黃新(小四月)、 劉愷威與前妻楊冪所生5歲囡囡小糯米、李克勤與盧淑儀11歲兒子Ryan和9歲的Rex、甄子丹與汪詩詩15歲囡囡Jasmine和11歲兒子James、陳慧琳10歲大仔劉昇(蝦餃仔)和7歲細仔劉琛(小龍包),以及郭晉安(安仔)與歐倩怡11歲大仔令山和8歲囡囡以雅。

不過,昨日所見,除安仔和歐倩怡親自湊子女返學放學,以及小糯米由嫲嫲接送外,其他星二代都是由司機及工人姐姐接送。

陳慧琳兩子與安仔兩名小朋友都是就讀荔枝角的國際學校,昨日下午3時許,見安仔與太太歐倩怡一起接放學,由安仔負責揸車,由於附近相當塞車,難以停車,歐倩怡便落車在學校門口等候,子女放學後,歐倩怡拖住囡囡,之後又幫她孭書包,沿途碰見其他家長,歐倩怡都有停下來跟家長們傾偈。歐倩怡見到記者時都有微笑打招呼,她表示:「呢度可能鄰近工廠區,又紿終學校放學時間,所以真係好塞車,好難搵位,每日我老公都要泊到好遠,我每日就好似玩障礙賽咁,又多車,又要拖實啲小朋友。」

採訪、攝影:徐錦池、吳耀輝

娛聞樂陪你走遍全球追星,即Like「娛果」FB 專頁!
BannerBanner