【逆權運動】泥鯭王宗堯聲援機師空姐 籲捍衛言論自由

更新時間 (HKT): 2019.08.28 17:56

國泰港龍空勤人員協會主席施安娜(Rebecca),疑早前因在自己在Facebook中的言論而「被解僱」,更有消息指國泰已制訂一份多達200人的解僱名單。而今日職工盟就在中環愛丁堡廣場舉行集會,RubberBand成員泥鯭及王宗堯亦有到場,希望大家可以一齊「捍衛自論自由」,對抗白色恐怖。

正當肥媽、鍾鎮濤、陳百祥等人出席撐警集會時,一直有參與「反送中」遊行,以及為港人發聲的樂隊RubberBand成員泥鯭及王宗堯,今日到中環出席聲援國泰機師空姐集會。

泥鯭在台上先提到自己認識Rebecca已很多年,而對方的哥哥亦是自己的同學,之後他又表示昨晚在旺角看演出時,有樂隊主音在台上說:「作為做創作的一員,搞創作是文(化)界的成員,佢話『言論自由,對創作係非常之重要嘅一件事嚟,所以,藝文界嘅所有工作者,應該要站喺捍衛自由嘅最前線』我絕對覺得係正確嘅。」他又提到當得知Rebecca被解僱後,想了很多理由,但最後他肯定對方被解僱,不會是因工作能力及不專業的問題:「如果佢咁唔專業嘅話,唔單止冇得升啦,一早就因為呢件事之前畀人炒咗啦!所以我都幾肯定今次係一個無理嘅解僱,不合理嘅無理解僱!」

泥鯭直言今次國泰解僱的,是一位敢於為同事、為公司,亦都敢於為香港人發聲的一個員工:「原來,捍衛言論自由嗰個戰場、嗰條戰線唔係淨係限於喺藝文界,從事表演創作嘅人身上,已經係去到每一位無論做一個文員,做咩職業都好,係每一個人嘅責任,如果管理層或者佢嘅同事唔篤佢灰,佢嘅管理層尊重佢嘅個人言論自由,大家喺自己崗位緊守住良知、緊守住公義,我相信言論自由呢一片空間係可以繼續落去,我哋亦必須要有言論自由嘅空間,所以我喺度希望各位,除咗Rebecca之外,每一個都應該為捍衛言論自由,除咗發聲之外,切身喺自己工作崗位做好自己嘅本份。」

而王宗堯今日亦有上台講話,他甫上台便說:「所有行出嚟嘅人,都係熱愛呢片土地。」獲台下人士以掌聲支持,其後他說在2013、14年,香港有雨傘運動,之前他又為香港電視站出來,他說從參加這些運動中,得悉很多人都「愛家、愛工作」,他明言今次已經沒有退路,王宗堯說:「呢一次已經冇任何退嘅退路,我哋繼續為香港抗爭,將僅餘嘅一啲核心價值,繼續捍衛佢。」

娛聞樂陪你走遍全球追星,即Like「娛果」FB 專頁!
BannerBanner