【免得講錯嘢!】超鳳為了解囡囡男朋友 見面前先「調查」背景

更新時間 (HKT): 2019.08.28 16:17

賭王千金何超鳳於銅鑼灣參與保良局賣旗日,超鳳曬得一身古銅色肌膚,她開心指剛到地中海旅行兩星期,陪一對愛女放暑假,她說:「我鍾意曬黑啲,平時太白,好似唔健康咁,最開心係可以黐住佢哋,因為好難夾一齊旅行。」超鳳又謂兩女也有拍拖,大女何鍶珩更帶同男友同遊地中海,融入家中,超鳳自言是個開放媽媽,她說:「個女大嘞,都會接觸身邊嘅人,都會了解吓,冇隔膜。個女男友係外國人我都接受,乜嘢國籍都冇所謂,最緊要兩個夾,關我乜事?」超鳳又直言會先「調查」囡囡男友的背景,免得說錯話,問她是否要向囡囡收料?她笑說:「互相了解吓,我覺得個男仔幾好、好有禮貌,合格、非常合格。」提到何家喜事連連,女兒會否閃婚?超鳳說:「太早嘞,仲讀緊書,做人應該要逐步嚟,特別係感情事。」她透露大女正修讀Marketing & Communication碩士課程,希望她畢業後先出外闖,想清楚自己想做的事。

另外,超鳳指中秋節將一家人食飯慶祝,而大家姐超瓊前日生日,一家人有食飯慶祝,問到超瓊對鍶珩男友有何評價?超鳳說:「我哋大家都有幾日一齊(旅行),姨媽都見過面,我哋諗法一樣,最梗要夾,同我哋夾唔係最重要。」

娛聞樂陪你走遍全球追星,即Like「娛果」FB 專頁!
BannerBanner