【動作片初體驗】Aka拍打戲險被破相 怒摑伍允龍打到手痛

更新時間 (HKT): 2019.08.29 22:00

女子組合Super Girls成員之一的趙慧珊(Aka),今次在新戲《潛行者》一改斯文形象,飾演江湖大佬女兒、紋身師父,為了滿身紋身的造型,Aka每天埋位拍攝前,要花幾小時整理身上印水紙紋身,Aka說:「角色嘅手臂、背脊都係紋身,有時黐嘅位置唔正確,就要用酒精抹掉,重新再黐過。」Aka表示暫時未想過紋身,驚嚇怕媽咪,紋身像身體被入侵,感覺令她不舒服,Aka說:「或者年紀大啲,遇到有紀念性的事情,會再考慮。」Aka在戲中造型都是穿上熱褲,她說:「我覺得幾性感,但當時有點肥,拍爬高的戲份時,都感到不好意思,工作人員睇到我嘅大髀都話好肥。」

Aka透露伍允龍因為要搜集其黑幫父親犯罪證據,而靠近她最終發展出感情,Aka說:「我飾演伍允龍女友,佢為我出生入死,又有型,如果現實中遇到呢種男友就好。」Aka與伍允龍在戲沒有親熱戲,Aka說:「喺我死嘅時候錫咗我額頭,如果多啲會更好,我未拍過咀戲,螢幕初吻仲未送出。」她笑稱如果對手係八両金亦未嘗不可。對於今次與伍允龍合作,她坦言對方是自己理想型男友並說:「Philip好得意好純真,我唔怕男仔悶,反而唔鍾意人太多花言巧語。」Aka回想曾經分手後要花5年時間才能放下傷痛,她說:「對方唔係存心欺騙,只係時間耐咗而感情轉淡。」

戲中Aka有不少動作戲,其中一場講述戴上窩釘手套的馮文娟,用手掩住的Aka的口,其間被對方手套上的窩釘刮損右邊面,幸好只是皮外傷沒留永久疤痕,Aka說:「一直希望做動作演員,伍允龍是我師父,同佢學咗兩年功夫。」Aka指有一場戲,伍允龍不慎被安志杰踢裂肋骨,伍允龍堅持拍完當場戲才到醫院,接受治療後很快便埋位繼續,Aka直言覺得師父很厲害。Aka在戲中一場怒摑伍允龍的戲份最終被剪掉,Aka說:「我打咗佢10巴,打到我手又痛,不過可能唔夠狠而剪咗,真係好可惜。」

娛聞樂陪你走遍全球追星,即Like「娛果」FB 專頁!
BannerBanner