【狗仔出更】楊愛瑾養兒方知父母恩 撇甩子女偕母食拉麵

更新時間 (HKT): 2019.08.29 06:00

婚後育有一對子女的楊愛瑾(Miki),平日忙於照顧家庭,做了媽咪的Miki也明白「養兒方知父母恩」,她有空便會約媽咪見面,《蘋果》日前晚上9時許,就在銅鑼灣撞見Miki帶媽咪去吃拉麵。

當日所見,素顏的Miki身穿黑tee配牛仔短褲,戴着白色cap帽,一身少女打扮,同行的媽咪都穿上Snoopy公仔tee,腳上紅襪襯白波鞋,母女鬥young look。二人邊行邊傾偈,沿途都有人對Miki眼望望,她一於好少理,兩母女最後一齊行去吃拉麵,吃了大約半小時便離開。Miki和媽咪醫飽肚,步出餐廳並肩行了一會便分道揚鑣,Miki往世貿方向搭的士,楊媽媽則行到附近坐巴士返屯門。

Miki日前回覆《蘋果》時說:「咁都影到,媽咪未食過呢間拉麵。」孝順的Miki即安排時間陪媽咪去吃,問到為何未見囝囝同行?Miki答:「佢瞓咗我先去。」

採訪、攝影:黃曉程、梁繼光

娛聞樂陪你走遍全球追星,即Like「娛果」FB 專頁!
BannerBanner