【逆權運動】阮民安今午港島busking 約手足齊上齊落

更新時間 (HKT): 2019.08.31 12:28

民陣發起的「8.31五周年民陣再集結」因不獲發不反對通知書,被迫取消。YouTuber「大J」(Jason)昨日在facebook宣佈今日搞8.31見面會,他會遊走天后、銅鑼灣、中環和金鐘會粉絲。阮民安(Tommy)也心血來潮想大家唱歌紓民怨,他今日亦在fb宣佈臨時舉行「『沒有國泰,還有民安』港島區流動演唱會」,他會在港島區大玩快閃busking,下午3時多首站會在銅鑼灣世貿附近獻聲。

Tommy今日fb留言:「噚日發現有九個手足因為莫明奇妙嘅理由畀人拉咗!感覺無奈又憤怒!今日起身發現上唔到連登,咁啱今日又冇嘢做,好悶,咁不如出嚟唱歌啦,好,我喺度正式宣佈---『沒有國泰,還有民安』港島區流動演唱會,喺下午3、4點左右銅鑼灣隨時開始。如果順利,一路同你哋唱到去金鐘,中環,好唔好?想聽我唱歌嘅你哋,唔使諗啦,快啲出嚟啦!想聽咩歌,喺留言話我知啦!今日只係一個好普通嘅一個星期六,冇咩特別,人生流流長,有排都未完,有排都未endgame,香港人行街睇戲食飯係好基本,總之所有手足,齊上齊落,幾多人出去,幾多人返屋企,OK?我嘅性格就係咁,你越唔畀我唱,我就要唱得越大聲,咁多位手足,一陣,街上見!今日,我哋一齊唱,一齊笑,一齊喊!香港人加大油!!!我會在。」

網民即留言點唱,有人想聽《青春火花》,Tommy即覆:「好!冇問題。」網民再說:「我最鍾意追星,瘋狂愛你。」Tommy也說:「今日就嚟銅鑼灣追我啦!一陣見!」網民提Tommy不要帶大聲公,擔心他被指「襲警」,Tommy答:「呢個部分係有啲擔心嘅,到時真係咩都唔畀用,咁我清唱,同大家一齊大合唱囉!相信你哋唔介意嘅。」

娛聞樂陪你走遍全球追星,即Like「娛果」FB 專頁!
BannerBanner