【每年收名貴禮物】94歲Uncle Ray一生未娶 自爆同方逸華拍過拖

更新時間 (HKT): 2019.08.31 14:55

健力士世界紀錄最長壽的DJ郭利民(Uncle Ray)日前接受港台《舊日的足跡》節目主持車淑梅訪問,分享未來大計,並透露昔日與方逸華的戀情。

將在今年12月迎來95歲大壽的Uncle Ray,依舊在周一至周五晚主持港台節目《All The Way with Ray》。為慶祝95歲生日,他將推出入行70年特選的中文唱片及出版中、英文版自傳,並接受香港歷史博物館的邀請,在2022年公開展出個人收藏物品,包括國際巨星披頭四樂隊(The Beatles)四子的親筆簽名及眾多珍貴的黑膠唱片。Uncle Ray更希望在2024年踏入100歲當日榮休,並舉辦一個100歲壽辰生日演唱會,邀請所有他認識的歌手一起慶祝。

多年來一直保持單身,Uncle Ray被問到可曾拍過拖?他笑說︰「我唔得閒呀!我要去音樂會、做直播、跑馬、去派對。不過,我靜靜地第一次話畀你聽,其實我有拍過拖,可能你會唔相信,方逸華其實係我女朋友。佢好鍾意唱歌,我好鍾意音樂,我哋好合拍,最鍾意去淺水灣沙灘嗰度唱住歌嚟拍拖,我哋拍咗拖幾年後唔成功,(分手)唔喺我嘅決定,又唔喺佢決定,係上天嘅決定。我哋一直都係朋友,每一年我生日佢(方逸華)都會特意送上一份名貴嘅禮物,但係從來都唔會留低食飯,邵逸夫先生走咗之後,我哋依然係好朋友。」

對於現在香港的困境,在香港土生土長的Uncle Ray,拋下一句說話︰「希望香港人唔好搞到香港難住,做人最緊要對人好,開心做人就會長壽。我最鍾意食香港嘅咖喱雞飯,我從來冇諗過移民,希望到最尾都係香港人。」

娛聞樂陪你走遍全球追星,即Like「娛果」FB 專頁!
BannerBanner