【警棍打人變制服】CCTVB疑自我審查 網民譏諷:新聞都有兩個版本

更新時間 (HKT): 2019.09.01 16:34

昨日8.31香港黑夜,克警衝入港鐵車廂無差別用警棍狂毆市民,多人頭破血流,全城怒吼!昨晚無綫新聞全程直擊克警打市民的過程,將新聞片段如實報道出街;然而,事隔一晚,無綫新聞竟將「用警棍打人」改為「用警棍制服車廂嘅人」,網民將前後兩條新聞片擺上網做證,譏諷留言:「你仲睇CCTVB?」

片段甫開首,黑底白字寫着:「831事件中,CCTVB的自我審查」,跟着畫面打出字幕「淨化前(時間:06:06am),男主播報道:「防暴警察喺太子站,曾經進入車廂入面用警棍打人。」不過,淨化後(時間:06:36am)的新聞,女主播卻改口為:「用警棍追捕示威者」、「用警棍制服車廂嘅人」!

網民紛紛寸爆CCTVB,留言狠批新聞部高層袁志偉:「經過環球胡錫進嘅指導後,袁志偉真係學得好快,有錢途。」、「已經直播晒,轉頭都要造假,不如直接取消個新聞部啦。」、「 以為大結局先有兩個版本,點知睇新聞都有兩個版本。#果然係CCTVB」、「唉,TVB,比呢班垃圾去管理,六叔一生心血淪落如此。」、「垃圾台,CCTVB」。

娛聞樂陪你走遍全球追星,即Like「娛果」FB 專頁!
BannerBanner