【自嘲似拐子佬】Bob送返學囝囝狂喊:返到屋企把聲都沙晒

更新時間 (HKT): 2019.09.04 16:36

香港導演葉念琛、黃又南、林盛斌(Bob)、麥玲玲與陀飛輪品牌創辦人沈慧林(William)等,今天於灣仔鐘錶展出席活動,發佈葉念琛與品牌聯乘推出陀飛輪情侶錶,拿手拍攝愛情電影的葉念琛首次參與腕錶設計,並以準時愛為題,他笑言自己的名字已能夠代表愛情,葉念琛說:「由籌備到推出,用咗幾個月時間,多謝品牌對我嘅信任同支持,我好多天馬行空嘅創意,佢哋都盡量做到,真係好有快感。」William則指葉念琛是他的偶像,能夠跟電影導演合作是一大突破,感覺很有生命力,而葉念琛則謂上半年拍了兩部電影,並笑言要安排下一部電影的男女主角佩戴他的創作,問到可會邀請William在電影中擔綱一角?William笑謂自己只是一個做手錶的生意人,要拍戲的話也要當一個手錶商人。

而Bob為大會擔任司儀,他笑言兩位主角也是他的好友,Bob說:「佢哋開聲叫我幫手做司儀,我就話最好利是唔好收,唔使酬勞,送對錶嚟就好,我老婆就嚟生日,但係William就話都係畀封利是穩陣。」Bob又謂7、8月於馬來西亞拍攝賀歲片,他說:「呢兩個月都去咗大馬拍賀歲片《財神》,做一個財神,佢哋好大膽搵我做男主角,好好呀,啱啱返嚟。」提到日前送細仔返學前班,因囝囝狂喊,Bob自嘲似拐子佬,他笑說:「陰功!大家姐、二家姐同三家姐返學前班都喊,我就好似拐子佬拐咗佢哋咁,送返學人哋以為我虐兒,可能喺屋企太開心,其實學校都好開心嘅,個仔返咗一個禮拜就冇喊,啲女就要一頭幾個月。呢個人生必經嘅,慢慢會長大,我都心痛,仲同老婆講不如接返佢走,返幾個鐘,返到屋企把聲都沙晒。」

娛聞樂陪你走遍全球追星,即Like「娛果」FB 專頁!
BannerBanner